សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រុមអ្នកដឹកជញ្ជូនអាហារតាម App របស់ក្រុមហ៊ុន WOW NOW បានប្រមូលផ្ដុំគ្នា នៅខាងមុខសាខាក្រុមហ៊ុន WOW NOWដេីម្បីធ្វើការតវ៉ាទាមទារឲ្យក្រុមហ៊ុនរក្សាតំលៃឈ្នួលដឹកឲ្យនៅដូចដើម នឹងសូមអោយក្រុមហ៊ុនកុំរិតបន្តឹងការងារខ្លាំងពេក។
ការផ្ទុះការតវ៉ានេះបានធ្វើឡើងកាលវេលាម៉ោង០៣:១០នាទីរសៀល ថ្ងៃទី២៤ ខែសីហា ឆ្នាំ២០២៣ ស្ថិតនៅចំណុចមុខសាខាក្រុមហ៊ុន WOW NOW ស្ថិតនៅផ្លូវលេខ៣១០ ក្នុងសង្កាត់បឹងកេងកងទី១ ខណ្ឌបឹងកេងកង ររាជធានីភ្នំពេញ។ បន្ទាប់ពីក្រុមហ៊ុនបានប្រកាសទម្លាក់តម្លៃឈ្នួលដឹកទាបពេក (មួយជេីងបានត្រឹមតែ ៣០ទៅ៣៥សេន) ។
តាមប្រភពពីអ្នកដឹកជញ្ជូនអាហារតាមម៉ូតូរបស់ក្រុមហ៊ុន WOW NOW បានប្រាប់អោយដឹងថា នេះជាលេីកទី១ហេីយ ដែលខាងក្រុមហ៊ុនបានកាត់បន្ថយប្រាក់ឈ្នួល ដោយបានដាក់កម្រិតអោយពួកគាត់មិនថាជិត ឬឆ្ងាយ ក៏បញ្ចុះមកនៅត្រឹមតែ៣៥ទៅ៣៧សេន និងឆ្ងាយត្រឹម៥០សេនប៉ុណ្ណោះក្នុងមួយជើង មិនតែប៉ុណ្ណោះថែមទាំងបញ្ជាក់ប្រាប់អ្នកដឹកជញ្ជូនទៀតថាអ្នកណាធ្វេីបានក៏ធ្វេី អអ្នកណាធ្វេីមិនបានក៏កុំធ្វើគឺអាចឈប់បាន ដោយមិនខ្វល់ពីបុគ្គលិកឡេីយ ។
ប្រភពដដែលបានបន្តទៀតថា បេីគិតតម្លៃឈ្នួលដឹក ក្នុងមួយជេីងត្រឹម៨០សេនតាមជិតតាមឆ្ងាយ ដោយក្នុងមួយថ្ងៃពួកគាត់ ក្នុងម្នាក់ដឹកបានត្រឹម១០ទៅ១៥ជេីងប៉ុណ្ណោះ ហេីយទូទាត់ថ្លៃចាក់សាំង និងហូបបាយអស់ទៅ ពួកគាត់នៅត្រឹមតែ១ម៉ឺនឬ២ម៉ឺនរៀលប៉ុណ្ណោះ។ បេីក្រុមហ៊ុនទម្លាក់ថ្លៃដឹកក្នុងមួយជេីង បានតែ៣៥ទៅ៣៧សេន និងខ្ពស់បំផុតត្រឹមតែ៥០សេន តេីជីវភាពពួកគាត់ទៅជាយ៉ាងណា? ដូច្នេះហេីយទើបពួកគាត់ដែលជាអ្នកដឹកជញ្ជូនអាហារAppរបស់ក្រុមហ៊ុនតាមម៉ូតូធ្វើការប្រមូលផ្ដុំគ្នាតវ៉ាស្នើសុំអោយក្រសួងពាក់ព័ន្ធជួយដោះស្រាយបញ្ហាខាងលើនេះជូនពួកគាត់ផង។
ក្រោយមកក្រសួងការងារបានចុះមកដល់ធ្វើការសម្របសម្រួល ជាមួយក្រុមហ៊ុននិងកម្មករបន្ទាប់មកភាគីខាងក្រុមហ៊ុនក៏បានយល់ព្រមតាមសូមណូមពររបស់ក្រុមអ្នកដឹកជញ្ជូនដោយរក្សានៅតម្លៃដើមវិញ រួចក្រសួងការងារក៏បានឱ្យភាគីខាងក្រុមហ៊ុន និងក្រុមអ្នកដឹកជញ្ជូនរបស់app ក្រុមហ៊ុន ធ្វើកិច្ចសន្យាជាមួយគ្នាក្រោមការដោះរបស់ក្រសួងការងារដើម្បីបញ្ចប់រឿង។
ក្រោយមកក្រុមអ្នកដឹកជញ្ជូនអាហារតាមapp របស់ក្រុមហ៊ុនក៏បានបំបែកគ្នាទៅធ្វើការរៀងៗខ្លួនឡើងវិញ៕
ដោយ ៖ រ៉ារ៉ា
