🔴បងប្អូនប្រជាពលរដ្ឋមេត្តាប្រយ័ត្នបន្តិច ចំពោះសេវាដឹកជញ្ជូនរបស់បុគ្គលខ្លះ នៃក្រុមហ៊ុន Delivery Food Panda

ភ្នំពេញ៖ អតិថិជនម្នាក់បានកម្ម៉ង់កាហ្វេ (អារ៉ាប៊ីកា) នៅសាខាខណ្ឌទួលគោក រាជធានីភ្នំពេញ ចំនួន១កែវ ហើយបុគ្គលិក ក្រុមហ៊ុន Delivery  Food Panda ជាសេវាដឹកជញ្ជូន ទីបំផុត បុគ្គលិក ក្រុមហ៊ុន Delivery  Food Panda ដឹកជញ្ជូនអោយអតិថិជន មានល្បិចខូច តាមរយៈការទូរស័ព្ទ២ដង របៀបចុច Missed call, ធ្វើអោយអតិថិជនលើកមិនទាន់ ខលវិញមិនទាន់ ប្រើលេសថាខាងក្រុមហ៊ុន Cancel  រួចបិទទូរស័ព្ទ លុបឆាត មិនអោយអតិថិជនទាក់ទងបាន ចង់សុីដាច់ទាំងកាហ្វេ និងប្រាក់ដែលអតិថិជន បានទូទាត់រួចរាល់ទៅវិញ។ ករណីបែបនេះទោះជាប្រាក់មិនច្រើន តែពួកគេមានចេតនាអាក្រក់ រំខានដល់អតិថិជន ខាតបង់ពេលវេលា ក្តៅក្រហាយ ហើយជាគំនិតមិនល្អ ប៉ះពាល់ដល់អារម្មណ៍អតិថិជន។

អតិថិជនម្នាក់បាន ប្រាប់អង្គភាព មជ្ឈមណ្ឌលព័ត៌មាន “នគរវត្ត”ថា, នៅរសៀលថ្ងៃទី២៨ ខែសីហា ឆ្នាំ២០២៣ គាត់បានកម្ម៉ង់ កាហ្វេអារ៉ាប៊ីកា ១កែវ ក្នុងតម្លៃ $៥,១២ , ខាងបុគ្គលិក ក្រុមហ៊ុន Delivery  Food Panda ធ្វើស្តាយMissed Call ៗ រួចដឹកកាហ្វេមក មិនទាន់ដល់ដៃអតិថិជនផង ក៏ត្រឡប់ទៅវិញ ដោយបញ្ជាក់ថា ខាងក្រុមហ៊ុនគេ Cancel ចោល នៅម៉ោង២និង២២នាទីរសៀលថ្ងៃទី២៨ ខែសីហា ឆ្នាំ២០២៣ ។ អតិថិជនបន្តថា , បុគ្គលិក ក្រុមហ៊ុន Delivery  Food Panda សេវាដឹកជញ្ជូន កាន់លេខទូរស័ព្ទ (087642277) Order #1725 មានចេតនាមិនល្អ ទើបគាត់ដាច់ចិត្តទូរស័ព្ទទៅកាន់ខាងក្រុមហ៊ុនកាហ្វេ អារ៉ាប៊ីកា នៅសាខាខណ្ឌទួលគោក ដោយគេបញ្ជាក់ : អធ្យាស្រ័យបង អត់ទោសដោយសារតែ មុិញខាងប្អូនអត់បានCancel អ្វីទេ ពីព្រោះបុងខាងបង ខាងប្អូនបានអិចសិប ធ្វើជូនបងហើយ ! ហើយ ! តែដោយឡែកខាង Delivery គាត់Cancel អញ្ចឹង ធ្វើឱ្យកាត់លុយខាងបង ហើយប៉ះពាល់ដល់ខាងក្រុមហ៊ុនប្អូនទៀត។ តំណាងខាងកាហ្វេ អារ៉ាប៊ីកា បានបញ្ជាក់បន្តថា , យ៉ាងណាៗចាំប្អូន ទាក់ទងទៅខាង Panda អោយ ថារឿងហេតុបែបនេះគេត្រូវដោះស្រាយរបៀបម៉េចឱ្យ ! ព្រោះមែនទែនទៅ ជាកំហុសខាង Panda ដោយសារពួកគាត់ខនសែលចោលបង ហើយ អត់ប្រាប់មកខាងក្រុមហ៊ុនប្អូនទេ ហើយអត់ប្រាប់ទៅខាងបងទៀត ធ្វើបែបនេះ ធ្វើឱ្យបងអត់បានកាហ្វេ និងខាតបង់ប្រាក់ទៀត ! ។ ដូច្នេះចាំខាងប្អូនព្យាយាមទាក់ទងទៅខាង Panda គាត់សម្រួលនៅកន្លែងនោះឲ្យបង ។

ដោយឡែកបុគ្គលិក ក្រុមហ៊ុន Delivery  Food Panda កាន់ទូរស័ព្ទលេខ (087642277) ជាមួយអង្គភាពមជ្ឈមណ្ឌលព័ត៌មាន”នគរវត្ត” នៅរសៀលថ្ងៃទី២៨ ខែសីហា ឆ្នាំ២០២៣ បានប្រាប់ថា , ខ្ញុំបាទខលទៅគាត់ គាត់មិនលើកហើយមានពេលយូរ ក្រុមហ៊ុនក៏បានCancel ចោលទៅ ដូច្នេះមិនមែនខ្ញុំជាអ្នកកាត់លុយទេ។ គឺខាងក្រុមហ៊ុនជាអ្នកCancel និងកាត់ប្រាក់។ បានបន្តទៀតថា , បើខាងក្រុមហ៊ុនមិនប្រគល់ប្រាក់ឲ្យអតិថិជនវិញទេ ខ្ញុំសូមចេញលុយសងគាត់វិញ ។ 

សូមបញ្ជាក់ថា : បុគ្គលនៃបុគ្គលិកខ្លះ នៃក្រុមហ៊ុន Delivery  Food Panda កំពុងតែធ្វើលេសមិនល្អដាក់អតិថិជន សូមមេត្តាខាងក្រុមហ៊ុន មេត្តាសិក្សា ពីបុគ្គលិកលក្ខណៈ របស់បុគ្គលិករបស់ខ្លួនផង ៕

ដោយ៖សុខខេមរា