សារព័ត៌មាន នគរវត្ត តែងតែនាំមុខគេជានិច្ច
ក្លិបតោខៀវ Chelsea មានចំណាប់អារម្មណ៍ខ្សែប្រយុទ្ធក្រុម Manchester City និងអង់គ្លេសអាយុក្រោម២១ឆ្នាំ Cole Palmer។ការចាប់អារម្មណ៍នេះគេមិនទាន់មានការដេញថ្លៃជាផ្លូវការនៅឡើយ។
អ្នកចាត់ការទូទៅក្លិបតោខៀវលោក Mauricio Pochettino បាននិយាយថា ក្រុមតោខៀវអាចនឹងសម្លឹងរកការនាំយកកីឡាករវាយលុកមួយរូបបន្ថែមទៀតក្នុងអំឡុងពេលទីផ្សារដោះដូរកីឡាករនេះ ប៉ុន្តែបានទទូចថាការជ្រើសរើសថ្មីនឹងត្រូវបំពេញទម្រង់ត្រឹមត្រូវ។Palmer អាចលេងក្នុងតួនាទីផ្សេងៗទាំងក្នុងជួរមុខ និងខ្សែបម្រើ។ គាត់គឺជាផ្នែកមួយនៃក្រុមយុវជនរបស់អង់គ្លេសដែលបានជួយក្រុមឈ្នះជើងឯកអឺរ៉ុបអាយុក្រោម២១ឆ្នាំកាលពីដើមរដូវក្តៅនេះ។
កីឡាករវ័យ២១ឆ្នាំរូបនេះបានចាប់ផ្តើមរដូវកាលបានយ៉ាងល្អនៅ Man City និងស៊ុតបញ្ចូលទីបានទាំងការឈ្នះ Uefa Super Cup លើ Sevillaនិងការចាញ់ Community Shield ក្រោមស្នាដៃក្រុម Arsenal ។លោក Pep Guardiola អ្នកចាត់ការទូទៅរបស់ Man City បាននិយាយពីមុនថា Palmer នឹងមិនត្រូវបានអនុញ្ញាតឱ្យចាកចេញក្នុងលក្ខខណ្ឌខ្ចីជើងឡើយ។ ជាមួយគ្នានេះក្លិប West Ham ក៏បានបង្ហាញការចាប់អារម្មណ៍ក្នុងការចុះហត្ថលេខាលើគាត់នៅដើមរដូវក្តៅនេះផងដែរ ប៉ុន្តែត្រូវបានគេគិតថា ជាវិធីសាស្រ្តខ្ចីជើងនោះទេ ៕
ដោយ៖ (រូបភាព ៖ BBC Sport)
