សារព័ត៌មាន នគរវត្ត តែងតែនាំមុខគេជានិច្ច
Chelsea មានបញ្ហាមួយចំនួននៅពេលនេះ ប៉ុន្តែរឿងធំបំផុតដែលពួកគេបាត់បង់គឺខ្សែប្រយុទ្ធដែលមានទំនុកចិត្ត និងកំពុងឃ្លាតឆ្ងាយពីឱកាសក្នុងការប្រជែងក្នុងតំបន់ Top 5 ដោយការស្មើក្នុងសប្តាហ៍ទី៥នៃលីកកំពូលអង់គ្លេសរដូវកាលថ្មីនេះ។ ក្រុមរបស់លោក Mauricio Pochettino បានត្រឹមស្មើ០ទល់០ Bournemouth កាលពីថ្ងៃអាទិត្យដោយគ្មានគ្រាប់បាល់ដែលធ្វើឲ្យក្រុមនេះហាក់ដូចជាលេងមិនសូវស៊ីចង្វាក់គ្នា។
ទោះបីជាពេលដែលពួកគេប្រកួតដោយសម្រុកទៅក្នុងប្រអប់ភ្លាមក៏ដោយ ក៏ពេលទៅដល់តំបន់គ្រោះថ្នាក់ក៏មិនអាចស្វែងរកគ្រាប់បាល់បាន។ គ្រាប់បាល់ចុងក្រោយរបស់ក្រុម Chelsea បានចូលមួយគ្រាប់ ប៉ុន្តែជាបាល់ offside ដែលជាហេតុធ្វើឱ្យពួកគេបរាជ័យក្នុងការរកគ្រាប់បាល់ម្តងទៀត និងបានទម្លាក់ពិន្ទុបន្ថែមទៀតនៅក្នុងលទ្ធផលស្មើ ០-០ ។
អតីតគ្រូបង្វឹក Tottenham លោក Pochettino នៅតែមិនអាចប្រើប្រាស់ខ្សែប្រយុទ្ធថ្មីរបស់ក្រុមឲ្យមានប្រសិទ្ធភាព។ ក្នុងឆ្នាំ២០០៨ ក្រុមបានលក់ Dimitar Berbatov, Robbie Keane និង Jermain Defoe ក្នុងរយៈពេល២-៣ខែ ហើយជំនួសពួកគេដោយ Roman Pavlyuchenko និង Fraizer Campbell ដែលបានចូលរួមជាមួយកីឡាករថ្មីមួយទៀតគឺ Darren Bent នៅខាងមុខ។
រដូវក្តៅនោះក្រុមតោខៀវបានចេញពីការក្លាយជាក្រុមដែលធ្លាក់ចេញពីការប្រជែងពាន Champions League។ ការប្រកួតនោះមានតែ៥គ្រាប់ប៉ុណ្ណោះក្នុងការប្រកួត Premier League ៨ប្រកួតដំបូងរបស់យើងនៅរដូវកាលនោះក្រោមការដឹកនាំរបស់លោក Juande Ramos ហើយគាត់ត្រូវបានបណ្តេញចេញមុនដំណាច់ខែតុលា នៅពេលដែលក្រុមស្ថិតនៅបាតតារាង។
លទ្ធផលស្មើរបស់ក្រុម Chelsea ទល់នឹង Bournemouth នៅពេលនេះបានធ្វើឲ្យក្រុមតោខៀវធ្លាក់ដល់ចំណាត់ថ្នាក់លេខ១៤ ដោយ៥ប្រកួតស្គាល់រសជាតិឈ្នះតែ១ប្រកួតនោះទេនៅ Premier League រដូវកាលនេះ។ ៥ប្រកួតនៅអង់គ្លេស Chelsea គឺឈ្នះ១ ស្មើ២ប្រកួត និងចាញ់២ប្រកួតមាន៥ពិន្ទុ។
ចំណែកក្រុមកាំភ្លើងធំ Arsenal រកបានជ័យជម្នះលើកទី៤នៅ Premier League ដោយយកឈ្នះក្រុមម្ចាស់ផ្ទះ Everton ១ទល់០ នៅកីឡដ្ឋាន Goodison Park។ ក្រុមកាំភ្លើងធំដែលបានជំនួសអ្នកចាំទីជម្រើសជាតិអង់គ្លេស Aaron Ramsdale ជាមួយ David Raya បានធ្វើឲ្យ Everton ក្នុងប៉ុន្មានឆ្នាំថ្មីៗនេះចាញ់ចំនួន៤ដងក្នុងចំណោមការទៅលេង៥ដងចុងក្រោយរបស់ពួកគេ ប៉ុន្តែ Everton នៅតែមានលទ្ធភាពបន្តលេងនៅ Premier League នៅរដូវកាលនេះ ហើយកីឡាករបម្រុង Leandro Trossard របស់ Arsenal បានបំបែកភាពជាប់គាំងដោយរកបាន១គ្រាប់នៅនាទីទី៦៩។
ក្រុម Arsenal មានការព្យាយាមស្វែងរកគ្រាប់បាល់ស៊ុតបញ្ចូលទីដ៏ច្រើនសន្ធឹកសន្ធាប់របស់កីឡាករ Gabriel Martinelli ក្នុងតង់ទី១ ប៉ុន្តែក្រុមម្ចាស់ផ្ទះនៅតែរារាំងបាន រហូតដល់របូតគ្រាប់បាល់នៅតង់ទី២ ខណៈដែល Trossard ក៏មានឱកាសចូលទៅជិតទីគូប្រកួតផងដែរ។
អ្នកចាត់ការក្រុមកាំភ្លើងធំលោក Mikel Arteta មានសេចក្តីរីករាយយ៉ាងខ្លាំងនៅពេលដែលក្រុមរបស់លោករក្សាការចាប់ផ្តើមមិនដែលចាញ់របស់ពួកគេក្នុងរដូវកាលនេះ ហើយបានត្រលប់ទៅប្រជែងជាមួយក្រុមកំពូលតារាង Man City ដោយចាញ់តែ២ពិន្ទុប៉ុណ្ណោះ។ ទន្ទឹមនឹងនោះក្រុមម្ចាស់ផ្ទះ Everton មើលទៅមានវាសនាសម្រាប់រដូវកាលនៃការតស៊ូកាត់ចោល ហើយជាក្រុមដែលឃ្លាតឆ្ងាយពីក្រុមដែលបានយកឈ្នះលើក្រុម Arsenal ក្នុងការប្រកួតដំបូងរបស់អ្នកចាត់ការលោក Sean Dyche កាលពីខែកុម្ភៈ ៕ ដោយ៖ ភារៈ
(រូបភាព ៖ BBC Sport)
