សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់ត្រូវបានប្តីរបស់ខ្លួនប្រទះឃេីញដេកស្លាប់ក្នុងបន្ទប់ទឹកបង្កការភ្ញាក់ផ្អេីលកាលពីវេលាម៉ោង១១និង២០នាទីព្រឹកថ្ងៃទី២០ ខែកញ្ញា ឆ្នាំ២០២៣ នៅបន្ទប់ជួលលេខ២១ ភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះឈ្មោះ សាន ស្រីមុំ ភេទស្រីអាយុ៣៥ឆ្នាំ ស្នាក់នៅបន្ទប់ជួលលេខ២១ ភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណេីតនៅខេត្តព្រៃវែង។
តាមប្រភពព័ត៌មានពីប្តីជនរងគ្រោះបានឱ្យដឹងថា ជារៀងរាល់ថ្ងៃប្រពន្ធរបស់គាត់តែងតែងផឹកស្រាថ្នាំជាប្រចាំនិងមានជំងឺប្រចាំកាយទៀត(ទាចទឹក) ហេីយពេលដែលផឹកស្រារួចយប់ឡេីងតែងតែចូលដេកក្នុងបន្ទប់ទឹក នៅយប់ថ្ងៃ១៩ ខែកញ្ញា ក្រោយពីផឹកស្រារួចប្រពន្ធរបស់គាត់បានចូលទៅក្នុងបន្ទប់ទឹកតែមិនឃេីញចេញមកវិញនោះទេ។
ប្រភពដដែលបានបន្តថា លុះព្រឹកឡេីងគាត់ក៏ចេញទៅធ្វេីការបាត់រហូតមកដល់វេលាម៉ោង១១និង១៥នាទីព្រឹក ថ្ងៃទី២០ ខែកញ្ញា ពេលដែលគាត់ចេញមកពីធ្វេីការវិញមេីលក្នុងបន្ទប់ដេកមិនឃេីញប្រពន្ធក៏ទៅមេីលក្នុងបន្ទប់ទឹកស្រាប់តែឃេីញប្រពន្ធមិនដឹងដេកស្លាប់តាំងពីពេលណារួចក៏រាយការណ៍ទៅសមត្ថកិច្ចតែម្តង។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុទាក់ទងទៅកម្លាំងជំនាញមកធ្វេីកោសល្យវិច័យរួចប្រគល់សពទៅក្រុមគ្រួសារយកទៅធ្វេីបុណ្យតាមប្រពៃណី៕
ដោយ៖សុខាសែនជ័យ
