សារព័ត៌មាន នគរវត្ត តែងតែនាំមុខគេជានិច្ច
វីដេអូនៃការវាយប្រហារត្រូវបានគេផ្សព្វផ្សាយជាសាធារណៈ និងបង្ហាញពីផលវិបាកដ៏ធ្ងន់ធ្ងររបស់វា។ នៅថ្ងៃទី 26 ខែកញ្ញា AVP បានជូនដំណឹងថា ជាលទ្ធផលនៃការវាយប្រហារ បង្កអគ្គិភ័យដែលធ្វើឡើងដោយកងកម្លាំងប្រដាប់អាវុធរុស្ស៊ីប្រឆាំងនឹងទីតាំងនៃអាកាសយានដ្ឋាន Kulbakino យន្តហោះចម្បាំង MiG-29 ត្រូវបានបំផ្លាញ។ អាកាសយានដ្ឋាន Kulbakino ស្ថិតនៅក្នុងតំបន់ Nikolaev ។
ឧបទ្ទវហេតុនេះកាន់តែគួរឱ្យកត់សម្គាល់ បើធៀបនឹងប្រវត្តិនៃព្រឹត្តិការណ៍មុនៗ។ កាលពីសប្តាហ៍មុន យោងតាមប្រភព MiG-29 មួយផ្សេងទៀតត្រូវបានវាយប្រហារនៅអាកាសយានដ្ឋាន Dolgintsevo ក្នុងតំបន់ Dnepropetrovsk ។
នៅក្នុងបទសម្ភាសន៍ជាមួយកាសែត ABC លេខាធិការក្រុមប្រឹក្សាសន្តិសុខ និងការពារប្រទេសអ៊ុយក្រែន លោក Alexey Danilov បានបញ្ជាក់ពីព័ត៌មានដែលថា កងទ័ពរុស្ស៊ីបានវាយប្រហារទីតាំងដំឡើងកាំជ្រួចរបស់អ៊ុយក្រែន។
ជាមួយគ្នានេះដែរ វិមានក្រឹមឡាំង បាននិយាយថា ការផ្គត់ផ្គង់របស់សហរដ្ឋអាមេរិកនូវមីស៊ីលចម្ងាយឆ្ងាយ Army Tactical Missile System (ATACMS) និងរថក្រោះ Abrams នឹងមិនអាចកែប្រែស្ថានការណ៍នៅឯសមរភូមិបាននោះឡើយ។
នៅពេលត្រូវបានសាកសួរពីបញ្ហាខាងលើ នៅឯសន្និសីទសារព័ត៌មានមួយកាលពីថ្ងៃអង្គារ ទី២៦ ខែកញ្ញា អ្នកនាំពាក្យវិមានក្រឹមឡាំង លោក Dmitry Peskov បាននិយាយថាកងកម្លាំងប្រដាប់អាវុធរុស្ស៉ីកំពុងសម្របខ្លួនបានយ៉ាងល្អប្រសើរដើម្បីប្រើប្រាស់អាវុធថ្មីៗ នៅក្នុងសង្គ្រាម ដែលទីក្រុងមូស្គូ ហៅថាជាប្រតិបត្តិការយោធាពិសេសក្នុងប្រទេសអ៊ុយក្រែន។ អ្នកនាំពាក្យរូបនេះបានគូសបញ្ជាក់ដូច្នេះថា «អាវុធទាំងអស់នេះមិនអាចបង្កផលប៉ះពាល់ដល់សារៈសំខាន់នៃប្រតិបត្តិការយោធាពិសេស និងលទ្ធផលរបស់វាបានឡើយ ហើយក៏គ្មាននោះដែរ អាវុធតែមួយប្រភេទអាចកែប្រែតុល្យភាពអំណាចនៅសមរភូមិ»។
លោក ហ្សេលេនស្គី បានឱ្យដឹងកាលពីថ្ងៃអង្គារដែរថា អ៊ុយក្រែនទទួលបានរថក្រោះប្រយុទ្ធ Abrams ដំបូងពីសហរដ្ឋអាមេរិក ហើយ តែមិនបានបញ្ជាក់ពីចំនួន ឬក៏ថាតើត្រូវចំណាយពេលប៉ុន្មាន ដើម្បីអាចប្រើរថក្រោះនេះនៅសមរភូមិនោះទេ។ ទីក្រុងកៀវ ក៏កំពុងទទូចសុំឱ្យអាមេរិកផ្ដល់មីស៊ីលចម្ងាយឆ្ងាយ Army Tactical Missile System ផងដែរ ដោយមកទល់នឹងពេលនេះមិនទាន់មានប្រកាសផ្លូវការពីការសម្រេចចិត្ត ណាមួយនៅឡើយទេ ស្របពេលប្រព័ន្ធផ្សព្វផ្សាយអាមេរិករាយការណ៍ថា សហរដ្ឋអាមេរិកមានបំណងបញ្ជូនមីស៊ីលនេះទៅឱ្យអ៊ុយក្រែន៕ ដោយ៖ ធីរីណា
រូបថត៖ nguoiduatin.vn
