ថៃ រឹតបន្តឹងការជួញដូរអាវុធ និងគ្រាប់រំសេវ បន្ទាប់ពីមានការបាញ់សម្លាប់មនុស្ស

ចែករំលែក៖

កាលពីថ្ងៃទី ៤ ខែតុលា សារព័ត៌មាន Reuters បានផ្សាយថា ប្រទេសថៃនឹងពិនិត្យមើលចន្លោះប្រហោងផ្លូវច្បាប់ទាក់ទងនឹងការចាត់ថ្នាក់ និងការលក់តាមអនឡាញនៃកាំភ្លើង និងគ្រាប់រំសេវ ក្នុងគោលបំណងគ្រប់គ្រងយ៉ាងតឹងរ៉ឹងបន្ទាប់ពីការបាញ់ប្រហារនៅមជ្ឈមណ្ឌលផ្សារទំនើបក្នុងទីក្រុងបាងកកកាលពីថ្ងៃទី 3-10 បណ្តាលឲ្យមនុស្ស 2 នាក់ស្លាប់។

កាំភ្លើងដែលប្រើដោយខ្មាន់កាំភ្លើងអាយុ 14 ឆ្នាំត្រូវបានគេជឿថាត្រូវបាន ទិញតាមអ៊ីនធឺណិត។ បើតាមមន្ត្រីថៃ មានកាំភ្លើងដែលនាំចូលស្របច្បាប់ជាង ១ម៉ឺនដើមប្រភេទនេះកំពុងចរាចរណ៍ក្នុងប្រទេសនេះ។
នាពេលខាងមុខ ប៉ូលីសរបស់ប្រទេសនេះនឹងធ្វើការជាមួយភ្នាក់ងាររដ្ឋាភិបាលដើម្បីចាត់ថ្នាក់អាវុធនេះជាកាំភ្លើងដ៍សាហាវ ដោយហេតុនេះចេញបទប្បញ្ញត្តិដើម្បីការពារការនាំចូល។
ប្រធានកម្លាំងប៉ូលិសថៃ លោក Torsak Sukvimol ក៏បាននិយាយដែរថា ប៉ូលិសនឹងបង្កើតក្រុមជំនាញដើម្បីដោះស្រាយសកម្មភាពជួញដូរអាវុធខុសច្បាប់តាមអ៊ីនធឺណិត។
ច្បាប់របស់ប្រទេសថៃត្រូវបានរឹតបន្តឹងបន្ទាប់ពីការបាញ់ប្រហារទ្រង់ទ្រាយធំក្នុងប៉ុន្មានឆ្នាំថ្មីៗនេះ ជាមួយនឹងតម្រូវការបន្ថែម ដូចជាការវាយតម្លៃផ្នែកវេជ្ជសាស្រ្តសម្រាប់អ្នកចង់ទិញកាំភ្លើង ឬបន្តអាជ្ញាប័ណ្ណកាំភ្លើង។
បន្ទាប់ពីការបាញ់ប្រហារក្នុងខែតុលា ឆ្នាំ 2022 ដែលបានសម្លាប់មនុស្ស 35 នាក់ ប្រទេសថៃបានព្រាងច្បាប់ស្តីពីការប្រើប្រាស់កាំភ្លើង។
យោងតាមច្បាប់បច្ចុប្បន្ន ការកាន់កាប់អាវុធខុសច្បាប់ត្រូវផ្តន្ទាទោសដាក់ពន្ធនាគាររយៈពេល 10 ឆ្នាំ និងពិន័យជាប្រាក់ចំនួន 20,000 បាតថៃ (ស្មើនឹងប្រហែល 540 ដុល្លារអាមេរិក)។
* នៅថ្ងៃដដែល អគ្គនាយកអាជ្ញាធរទេសចរណ៍ថៃ (TAT) លោកThapanee Kiatphaibool បាននិយាយថា ភ្នាក់ងាររដ្ឋាភិបាលនឹងបង្កើនកិច្ចខិតខំប្រឹងប្រែងដើម្បីធានា និងស្តារទំនុកចិត្តរបស់អ្នកទេសចរណ៍ឡើងវិញបន្ទាប់ពីការបាញ់ប្រហារ៕ ដោយ៖ ធីរីណា