សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យចំនួន៤នាក់ពាក់ព័ន្ធករណីជួញដូរដោយខុសច្បាប់ នូវសារធាតុញៀន ត្រូវបាននគរបាលខណ្ឌសែនសុខ ស្រាវជ្រាវឃាត់ខ្លួនបានជាបន្តបន្ទាប់។
ជាក់ស្តែងកាលវេលាម៉ោង១៧:១០នាទី ថ្ងៃទី០៩ ខែតុលា ឆ្នាំ២០២៣ កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌសែនសុខ បានធ្វើការបង្រ្កាបករណីជួញដូរដោយខុសច្បាប់ នូវសារធាតុញៀន នៅចំណុចផ្ទះគ្មានលេខ ផ្លូវវាលខ្សាច់បឹងឈូក ភូមិបូរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ និងឃាត់ខ្លួនជនសង្ស័យចំនួន២នាក់។
១. ឈ្មោះ សៀង សំណាង ហៅក្រៅ ភ័ក្រ ភេទប្រុស អាយុ ២៧ឆ្នាំ ជនជាតិខ្មែរ។
២. ឈ្មោះ អៀង សេងជា ហៅក្រៅ អាម៉ាប់ជី ភេទប្រុស អាយុ ២៨ឆ្នាំ ជនជាតិខ្មែរ។
សម្ភារៈដកហូតរួមមាន៖ ក្រាមពណ៌សថ្លា ចំនួន០២កញ្ចប់ថង់ (០១កញ្ចប់ថង់ធំ និង០១កញ្ចប់ថង់តូច), ទូរស័ព្ទដៃចំនួន០៣គ្រឿង (ម៉ាក vivo ចំនួន០១គ្រឿង, ម៉ាក អិនចុចពិល ចំនួន០២គ្រឿង)។
ក្រោយពីឃាត់ខ្លួនជនសង្ស័យខាងលើ កម្លាំងបន្ដស្រាវជ្រាវ ឈានដល់ឃាត់ខ្លួនជនសង្ស័យចំនួន០២នាក់បន្ថែមទៀត នៅចំណុចផ្ទះជួលលេខ៥៥៨B ផ្លូវលេខ៦៣Sony ភូមិឬស្សីទី១ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។
១. ឈ្មោះ ងួន ណាវ៉ុន ហៅក្រៅ អាវ័ន្ដ ភេទប្រុស អាយុ ៤០ឆ្នាំ ជនជាតិខ្មែរ។
២. ឈ្មោះ ឃុន កវី ភេទប្រុស អាយុ ៤២ឆ្នាំ ជនជាតិខ្មែរ ។
ដកហូតសម្ភារៈ៖ ក្រាមពណ៌សថ្លា ចំនួន០៣កញ្ចប់ថង់ (០២កញ្ចប់ថង់ធំ, ០១កញ្ចប់ថង់តូច), ម្សៅម៉ត់ពណ៌សថ្លាចំនួន០១ កូនកញ្ចប់ថង់, ជញ្ជីងសំរាប់ថ្លឹងសារធាតុញៀនចំនួន០១គ្រឿង, ឧបករណ៍សម្រាប់ប្រើប្រាស់សារធាតុញៀន (ដបទឹក) ចំនួន០២ដប និងដែកកេះចំនួន០២។
បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់៕
ដោយ៖ ស សម
