សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ គោរពច្បាប់ចរាចរណ៍ស្មើនឹងគោរពជីវិតខ្លួនឯង ! គ្រោះថ្នាក់ចរាចរណ៍ផ្លូវគោក ទូទាំងប្រទេសនៅថ្ងៃទី២០ ខែតុលា ឆ្នាំ២០២៣ម្សិលមិញ បណ្តាលឱ្យមនុស្ស ស្លាប់ ០៣នាក់ (ស្រី ០នាក់), របួសធ្ងន់ស្រាល ២២នាក់ (ស្រី ០៥នាក់) និងមិនពាក់មួកសុវត្ថិភាព ១១នាក់ (យប់ ០៥នាក់) ។
ជាក់ស្ដែងយោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ បានបញ្ជាក់ថា ក្នុងករណីគ្រោះថ្នាក់ដែលបង្កឱ្យមនុស្ស ស្លាប់ ០៣នាក់ (ស្រី ០នាក់), របួសធ្ងន់ ១៣នាក់(ស្រី ០២នាក់), និងរបួសស្រាល ០៩នាក់ (ស្រី ០៣នាក់) គឺកើតឡើងដោយសារការប៉ះទង្គិចគ្នាចំនួន ១២លើក (យប់ ០៤លើក), រួមមាន ៖ កត្តាល្បឿន ០៨លើក (ស្លាប់ ០១នាក់), មិនគោរពសិទ្ធ ០១លើក (ស្លាប់ ០១នាក់), មិនប្រកាន់ស្តាំ ០២លើក(ស្លាប់ ០១នាក់)និង ប្រជែងគ្រោះថ្នាក់ ០១លើក។
ជាមួយគ្នានេះ នាយកដ្ឋាននគរបាលចរាចរណ៍ អំពាវនាវឱ្យបងប្អូនប្រជាពលរដ្ឋទាំងអស់គ្នា ចូលរួមគោរពច្បាប់ចរាចរដេីម្បីការពារជីវិតរបស់លោកអ្នកនិងក្រុមគ្រួសារ ព្រមទាំងជីវិតអ្នកដទៃផងដែរ៕
ដោយ៖ សហការី
