សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរស២នាក់បានរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗបន្ទាប់ពីជិះម៉ូតូលឿនមិនប្រយ័ត្នជ្រុលទៅបុករថយន្តកូរ៉េពីក្រោយ កាលពីវេលាម៉ោង១និង៥០នាទីរសៀលថ្ងៃទី២៦ ខែតុលា ឆ្នាំ២០២៣ នៅចំណុចមុខខ្លោងទ្វារវត្តព្រៃស្ពឺ តាមបណ្តោយផ្លូវជាតិលេខ៣ ក្នុងភូមិស្រែជម្រៅ សង្កាត់ចោមចៅទី២ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តកូរ៉េមួយគ្រឿងមិនចាំស្លាកលេខធ្វេីដំណេីរចេញពីផ្លូវបេតុងច្រកខ្លោងទ្វារវត្តព្រៃស្ពឺ ក្នុងទិសដៅពីកេីតទៅលិច ខណៈមកដល់ផ្លូវជាតិលេខ៣ក៏បត់ស្តាំទៅជេីង តែភ្លាមនោះក៏មានម៉ូតូហុងដាឌ្រីម ពណ៌ខ្មៅ ពាក់ស្លាកលខភ្នំពេញ1TO -0043 បេីកបរដោយបុរសម្នាក់និងមានបុរសម្នាក់ទៀតរួមដំណេីរជាមួយធ្វេីដំណេីរតាមបណ្តោយផ្លូវជាតិលេខ៣ពីត្បូងទៅជេីងក្នុងល្បឿនលឿនក៏ជ្រុលទៅបុកគូទរថយន្តពេញទំហឹងបោកផ្ទប់បណ្តាលឱ្យអ្នកបេីកបរម៉ូតូបាក់ជេីងម្ខាង ចំណែកអ្នកជិះខាងក្រោយរបួសត្រង់ភ្លៅខាងឆ្វេងបែកសាច់ខ្ទេច ហើយរថយន្តមិនបានឈប់នោះទេគឺបេីកទៅមុខបាត់ទៅ។
ក្រោយកេីតហេតុជនរងគ្រោះត្រូវបានដឹកតាមឡំប្រឺតាទៅមន្ទីរពេទ្យ ចំណែកម៉ូតូត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលចោមចៅទី២រង់ចាំបងប្អូនមកទទួលយកទៅវិញ៕
ដោយ៖ សុខាសែនជ័យ
