សារព័ត៌មាន នគរវត្ត តែងតែនាំមុខគេជានិច្ច
ក្រុម Liverpool ដែលមានការផ្លាស់ប្តូរច្រើនបានបន្តកំណត់ត្រាដ៏ល្អឥតខ្ចោះរបស់ពួកគេនៅក្នុង Europa League ជាមួយនឹងជ័យជម្នះយ៉ាងល្អលើក្លិបបារាំង Toulouse ៥ទល់១ ក្នុងពូល E កាលពីរំលងអធ្រាត្រឈានចូលថ្ងៃទី២៧ តុលា។ ក្រុមម្ចាស់ផ្ទះបាននាំមុខមុននៅកីឡដ្ឋាន Anfield ខណៈដែល Diogo Jota រកបាន១គ្រាប់នៅនាទីទី៩។
ក្រុមភ្ញៀវ Toulouse បានរក១គ្រាប់តាមស្មើវិញតាមរយៈ Thijs Dallinga នៅនាទីទី១៦ ដែលបានញាក់ផុត Trent Alexander-Arnold ហើយអាចស៊ុតបញ្ចូលទីតាមស្មើបន្ទាប់ស៊ុតពីចម្ងាយយ៉ាងល្អ។ ប៉ុន្តែប្រធានក្រុម Alexander-Arnold បានធ្វើការផ្លាស់ប្តូរយ៉ាងឆាប់រហ័សដោយបញ្ជូនបាល់ឱ្យ Wataru Endo ដែលបាននាំមុខឱ្យក្រុម Liverpool គ្រាប់បាល់ដំបូងរបស់គាត់នៅនាទីទី៣០មុនពេលដែល Darwin Nunez រកបានគ្រាប់ទី៣ដើម្បីផ្តល់ឱ្យក្រុមហង្សក្រហមនាំមុខ ៣-១ នៅតង់ទី១។
ចូលដល់ពាក់កណ្តាលតង់ទី២ Nunez បានរត់កាត់អ្នកចាំទី Guillaume Restes របស់ Toulouse ដោយព្យាយាមស៊ុតបញ្ចូលទី ប៉ុន្តែត្រូវអរគុណដល់ Ryan Gravenberch ជាអ្នកស៊ុតបញ្ចូលទីគ្រាប់ទី៤នៅនាទីទី៦៥។ក្រុម Liverpool មិនបន្តត្រឹមនេះទេ គឺមានឱកាសមួយគ្រាប់ទៀតដែលកីឡាករបម្រុង Mohamed Salah រកបានគ្រាប់ទី៥ នៅក្នុងម៉ោងបន្ថែម៩០+៣ ដោយបានស៊ុតពីចម្ងាយសម្រាប់គ្រាប់បាល់ទី៩របស់គាត់ក្នុងរដូវកាលនេះ។
ជ័យជម្នះនេះមានន័យថា Liverpool បន្តឈរនៅលើកំពូលតារាងនៃពូល E ដោយមាន៩ពិន្ទុបន្ទាប់ពីការប្រកួតចំនួន៣ ខណៈដែលក្រុម Toulouse បានធ្លាក់មកលេខ៣ដោយមាន៤ពិន្ទុ ៕
ដោយ៖ ភារៈ(រូបភាព ៖ BBC Sport)
