សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមប្រភពព័ត៍មានពីអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ ក.ប.ប បានឱ្យដឹងនៅព្រឹកថ្ងៃពុធទី០៨ ខែវិច្ឆិកា ឆ្នាំ២០២៣នេះថា៖ មន្ត្រីជំនាញ ក.ប.ប. បានបន្តអនុវត្តភារកិច្ចក្នុងទិសដៅការពារសុខុមាលភាពប្រជាពលរដ្ឋដែលជាអ្នកប្រើប្រាស់ ដោយចុះអង្កេត និងត្រួតពិនិត្យទំនិញចរាចរនៅលើទីផ្សារ ផ្ទះលក់ទំនិញ ម៉ាត និងដេប៉ូចែកចាយទំនិញ តាមបណ្ដារាជធានី-ខេត្ត។
ជាក់ស្ដែងរយៈពេលពីរថ្ងៃ គឺថ្ងៃទី៦ និងទី៧ ខែវិច្ឆិកា ឆ្នាំ២០២៣ មន្រ្តីជំនាញ ក.ប.ប. សាខាខេត្តកោះកុង; ខេត្តឧត្តរមានជ័យ ;ខេត្តកំពង់ចាម និងខេត្តបាត់ដំបង បានចុះស្រង់យកសំណាកគំរូចំនួន ៥៥មុខផ្សេងគ្នាៗ ដើម្បីធ្វើតេស្តរកសារធាតុគីមីហាមឃាត់ដែលធ្វើឱ្យប៉ះពាល់សុខភាពអ្នកប្រើប្រាស់ ជាមួយគ្នានោះផងដែរក៏បានធ្វើការត្រួតពិនិត្យបឋមលើមុខទំនិញប្រមាណជាង ១០០មុខដើម្បីរកនូវទំនិញពុំមានអនុលោមភាពជាហេតុបង្កឱ្យប៉ះសុខភាពប្រជាពលរដ្ឋ។
ក្នុងប្រតិបត្តិការនោះ ជាលទ្ធផលមន្រ្តីជំនាញពុំបានរកឃើញទំនិញ និងម្ហូបអាហារណាមានហានិភ័យនោះឡើយ។ ព្រមទាំងធ្វើការអប់រំបន្ថែមជូនបងប្អូនជាអាជីវករឱ្យបានជ្រួតជ្រាបអំពីច្បាប់ និងបទប្បញ្ញត្តិស្ដីពីសុវត្ថិភាពម្ហូបអាហារផងដែរ៕
ដោយ៖សហការី
