សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជាជាតិចិនម្នាក់បេីករថយន្តក្នុងល្បឿនលឿនដល់ផ្លូវកោងមិនបន្ថយល្បឿនក៏ជ្រុលធ្លាក់ផ្លូវបុកបង្គោលភ្លេីងបណ្តាលឱ្យបាក់អស់មួយដេីមខ្សែភ្លេីងទាញបង្គោលភ្លេីងមួយដេីមទៀតទ្រេតរងការខូចខាត។
ហេតុការណ៍នេះបានកេីតឡេីងកាលពីវេលាម៉ោង៣រសៀល ថ្ងៃទី១៣ ខែវិច្ឆិកា ឆ្នាំ២០២៣ នៅចំណុចជិតកន្លែងប្រណាំងឡាន ផ្លូវបេតុង ភូមិកំបូល សង្កាត់កំបូល ខណ្ឌកំបូល។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសម្នាក់ជាជនជាតិចិនបេីករថយន្តកាមរីបាឡែន ពណ៌ស ពាក់ស្លាកលេខភ្នំពេញ2Y 0141 ធ្វេីដំណេីរតាមបណ្តោយផ្លូវបេតុងក្នុងទិសដៅពីកេីតទៅលិចក្នុងល្បឿនលឿនខណៈមកដល់ចំណុចកេីតហេតុដែលជាផ្លូវកោងផងនៅមិនបន្ថយល្បឿនក៏រេធ្លាក់ផ្លូវជ្រុលបុកបង្គោលភ្លេីងថ្មបាក់អស់មួយដេីមដល់ដីនិងខ្សែភ្លេីងទាញទ្រេតបង្គោលភ្លេីងមួយដេីមទៀតរងការខូចខាតដោយឡែករថយន្តរងការខូចខាតយ៉ាងដំណំ។
ក្រោយកេីតហេតុសមត្ថកិច្ចចុះមកដល់ចំណុចកេីតហេតុនិងស្ទូចយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយពេលក្រោយ៕
ដោយ៖សុខាសែនជ័យ
