ករណីឃាតកម្មអារ.កស្ត្រីម្នាក់ក្នុងផ្ទះនៅភូមិទួលពង្រប្លន់យកទូរស័ព្ទសមត្ថកិច្ចមិនទាន់កំណត់មុខសញ្ញាបាន

ភ្នំពេញ៖​ អស់រយៈពេលជិត៣ខែមកហេីយពាក់ព័ន្ធករណីអំពេីឃាតកម្មដែលជនដៃដល់ចូលទៅអារ.កស្ត្រីម្នាក់ដល់ក្នុងផ្ទះស្លាប់យ៉ាងអាណោចអាធ័មប្លន់យកទូរស័ព្ទដៃមួយគ្រឿងគេចខ្លួនបាត់ធ្វេីឱ្យប្តីព្រាត់ប្រពន្ធកូនកំព្រាម្តាយ​មកដល់ពេលនេះសមត្ថកិច្ចមិនទាន់អាចបំបែកសំណុំរឿងនេះបាននៅឡេីងទេ។ 

សូមបញ្ជាក់ថា ករណីឃាតកម្មខាងលេីនេះបាន​កេីតឡេីងកាលពីវេលាម៉ោង១១និង២៥នាទីព្រឹកថ្ងៃទី០៥ ខែតុលា ឆ្នាំ២០២៣ នៅផ្ទះជនរងគ្រោះ​ ក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ ប្រព្រឹត្តដោយជនសង្ស័យមិនស្គាល់អត្តសញ្ញាណយកកាំបិតចុងស្រួចអារ.កស្ត្រីរងគ្រោះស្លាប់ក្នុងថ្លុកឈាមប្លន់យកទូរស័ព្ទម៉ាកoppoមួយគ្រឿងហេីយគេចខ្លួនបាត់ដោយសុវត្តិភាព។ 

ជនរងគ្រោះឈ្មោះ ឈឹម ស្រីមុំ ភេទស្រី អាយុ៤០ឆ្នាំ មុខរបរលក់ដូរ ស្នាក់នៅផ្ទះកើតហេតុ ក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ ។

រហូតមកដល់ពេលនេះអស់រយះពេលជិត៣ខែទៅហេីយសមត្ថកិច្ចមិនទាន់បំបែកសំណុំរឿងនេះបាននៅឡេីយទេ។ 

ចាំមេីលតេីលោក​ ម៉ន​ វុធី​ អធិការនគរបាលខណ្ឌពោធិ៍សែនជ័យនិងកម្លាំងសមត្ថកិច្ចពាក់ព័ន្ធ​អាចបំបែកសំណុំរឿងនេះបានដែរឬយ៉ាងណា ដេីម្បីរកយុត្តិធម៌ជូនគ្រួសាររងគ្រោះ៕

ដោយ៖សុខាសែនជ័យ