អូទ្រីសបានចាប់ខ្លួនមនុស្សបីនាក់ដែលរៀបចំការវាយប្រហារនៅអឺរ៉ុបអំឡុងបុណ្យណូអែល

ចែករំលែក៖

ការិយាល័យរដ្ឋអាជ្ញាក្រុង Vienna បាននិយាយថា ជនសង្ស័យ “បានពិភាក្សាអំពីផែនការវាយប្រហារនៅទីក្រុង Vienna ប្រទេសអូទ្រីស Cologne ប្រទេសបារាំង និង Madrid ប្រទេសអេស្ប៉ាញ ប៉ុន្តែ “មិនមានការគំរាមកំហែងភ្លាមៗនៃការវាយប្រហារនៅទីក្រុង Viennaនោះទេ ” ។
កាលពីថ្ងៃទី 24 ខែធ្នូ អាជ្ញាធរអូទ្រីសបានចាប់ខ្លួនមនុស្ស 3 នាក់នៅក្នុងប្រទេសនេះដោយសង្ស័យថាមានជាប់ពាក់ព័ន្ធនៅក្នុង “បណ្តាញមូស្លីមឆ្លងព្រំដែន” នៅក្នុងបរិបទដែលប៉ូលិសនៅទីក្រុង Vienna បានបង្កើនការត្រួតពិនិត្យដើម្បីធានាសន្តិសុខក្នុងអំឡុងបុណ្យណូអែល។
ទូរទស្សន៍អូទ្រីស ORF បានរាយការណ៍ថា ការិយាល័យរដ្ឋអាជ្ញាក្រុង Vienna បាននិយាយថា ជនសង្ស័យ “បានពិភាក្សាអំពីផែនការវាយប្រហារនៅទីក្រុងធំៗ ក្នុងតំបន់អឺរ៉ូប ប៉ុន្តែថាមិនមាន “ការគំរាមកំហែងភ្លាមៗនៃការវាយប្រហារ” នោះឡើយ។
ប៉ូលិសអូទ្រីសបានបង្កើនការត្រួតពិនិត្យនិងល្បាត ជាពិសេសជុំវិញព្រះវិហារ ព្រឹត្តិការណ៍សាសនា និងទីផ្សារបុណ្យណូអែលក្នុងទីក្រុង Vienna ដោយលើកឡើងពីការព្រួយបារម្ភផ្នែកសន្តិសុខដែលកំពុងកើនឡើង ចំពេលមានការចោទប្រកាន់ថា ការវាយប្រហារភេរវកម្មលើព្រឹត្តិការណ៍គ្រីស្ទាននៅទូទាំងទ្វីបអឺរ៉ុប។
បណ្តាប្រទេសអ៊ឺរ៉ុបកំពុងពង្រឹងសន្តិសុខសម្រាប់ការប្រារព្ធពិធីបុណ្យណូអែល ដោយសារការព្រួយបារម្ភអំពីហានិភ័យនៃការវាយប្រហាររបស់ពួកជ្រុលនិយម៕