សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ស្នងការដ្ឋាននគរបាលខេត្តព្រះសីហនុ នៅថ្ងៃទី២៩ ខែធ្នូ ឆ្នាំ២០២៣នេះ បានបញ្ជូនខ្លួនជនសង្ស័យជាជនជាតិចិន និងវៀតណាមចំនួន ០៤នាក់ ពាក់ព័ន្ធករណីជួញដូរគ្រឿងញៀននៅក្រុងព្រះសីហនុ ទៅកាន់សាលាដំបូងខេត្ត ដេីម្បីចាត់ការតាមច្បាប់ ក្រោយឃាត់ខ្លួនយកមកសាកសួររហូតបញ្ចប់នីតិវិធី និងបង្ហាញមុខជាសាធារណៈ។
ស្នងការដ្ឋាននគរបាលខេត្តព្រះសីហនុ បានឱ្យដឹងទៀតថា កម្លាំងការិយាល័យនគរបាលប្រឆាំងបទល្មើសគ្រឿងញៀន កាលពីថ្ងៃទី២២ ខែធ្នូថ្មីៗនេះ បានចុះបង្រ្កាបករណី គ្រឿងញៀនមួយករណី ដោយឃាត់បានជនសង្ស័យបានចំនួន០៤នាក់ ព្រមទាំងដកហូតវត្ថុតាងបានមួយចំនួន ស្ថិតនៅក្រុមទី១៥ ភូមិ២ សង្កាត់លេខ៣ ក្រុង-ខេត្ដព្រះសីហនុ ។
ជនសង្ស័យទាំង០៤នាក់មានឈ្មោះ ៖
១-ឈ្មោះ LAI JIAN CHENG ភេទ ប្រុស អាយុ ២៨ ឆ្នាំជនជាតិចិន មុខរបរមិនពិតប្រាកដ ទីកន្លែងកំណេីតប្រទេសចិន ទីលំនៅបច្ចុប្បន្នក្រុមទី១៥ ភូមិ២ សង្កាត់លេខ៤៣ ក្រុង-ខេត្ដព្រះសីហនុ ។
២-ឈ្មោះ CAO XUAN TAN ភេទប្រុស អាយុ ២៧ ឆ្នាំ ជនជាតិវៀតណាម មុខរបរ មិនពិតប្រាកដ ទីកន្លែងកំណើត ប្រទេសវៀតណាម ។
៣-ឈ្មោះ VO NGEN THI NHIEN ភេទស្រី អាយុ ២៨ ឆ្នាំ ជនជាតិ វៀតណាម មុខរបរ មិនពិតប្រាកដ ទីកន្លែងកំណើត ប្រទេសវៀតណាម ។
៤-ឈ្មោះ LIU XIN ZHI ភេទប្រុស អាយុ ៣០ ឆ្នាំ ជនជាតិ ចិន មុខរបរ មិនពិតប្រាកដ ទីកន្លែងកំណើត ប្រទេសចិន ។
ចំណែកវត្ថុតាងដកហូតរួមមានម្សៅក្រាមពណ៌សសង្ស័យជាសារធាតុញៀន ថ្នាំកញ្ចប់ ថ្នាំគ្រាប់ កញ្ឆាក្រៀម អាស៊ីត គ្រាប់កាំភ្លើង គ្រាប់បែកជ័រ ឧបករណ៍កែច្នៃគ្រឿងញៀន ទូរស័ព្ទដៃ និងថង់សម្រាប់វេចខ្ចប់គ្រឿងញៀនមួយចំនួន ។
បច្ចុប្បន្នជនសង្ស័យខាងលើ ត្រូវបានកម្លាំងស្នងការដ្ឋាននគរបាលខេត្តព្រះសីហនុ បង្ហាញមុខជាសាធារណៈ និងត្រៀមខ្លួនបញ្ជូនទៅកាន់សាលាដំបូងខេត្ត ដើម្បីបន្តនីតិវិធី៕
ដោយ៖ តារា
