សារព័ត៌មាន នគរវត្ត តែងតែនាំមុខគេជានិច្ច
អ្នកចាត់ការទូទៅក្លិបអធិរាជស Real Madrid លោក Carlo Ancelotti បានចុះកិច្ចសន្យាថ្មីជាមួយក្លិបដែលនឹងដំណើរការរហូតដល់ខែមិថុនា ឆ្នាំ២០២៦។បុរសសញ្ជាតិអ៊ីតាលីវ័យ៦៤ឆ្នាំរូបនេះត្រូវបានតែងតាំងជាលើកទី២នៅ Bernabeu ក្នុងឆ្នាំ២០២១ លើកិច្ចសន្យារយៈពេល៣ឆ្នាំដំបូង។
គាត់ត្រូវបានផ្សារភ្ជាប់ជាមួយនឹងការចូលកាន់តំណែងជាអ្នកចាត់ការប្រេស៊ីលកាលពីដើមឆ្នាំនេះ ប៉ុន្តែបាននិយាយថា គាត់ចង់បន្តនៅក្លិបអេស្ប៉ាញទៀត។
លោក Ancelotti បានដឹកនាំក្រុមឈ្នះពានរង្វាន់ចំនួន១០ក្នុងនាមជាគ្រូបង្វឹករបស់ Real Madrid រួមទាំងពានរង្វាន់ Champions League ចំនួន២ផងដែរ ដែលថ្មីៗនេះនៅក្នុងរដូវកាលដំបូងរបស់គាត់ដែលត្រឡប់ទៅក្លិបនៅឆ្នាំ២០២១–២០២២។ គាត់ក៏បានដឹកនាំឈ្នះពាន La Liga ម្តង, Copas del Rey ២ដង, Club World Cup ២ដង, European Super Cups ២ដង និង Spanish Super Cup ម្តង។
លោក Ancelotti ធ្លាប់បានដឹកនាំ Real Madrid ចន្លោះឆ្នាំ២០១៣ និងឆ្នាំ២០១៥ ជាមួយនឹងការចាកចេញរបស់គាត់នឹងកើតឡើងមួយឆ្នាំបន្ទាប់ពីគាត់បានឈ្នះពានរង្វាន់ Champions League ។ គាត់បានត្រឡប់មកដឹកនាំក្រុមទី២ជំនួសលោក Zinedine Zidane បន្ទាប់ពីចាកចេញពីក្លិប Everton នៅ Premier League ក្នុងខែមិថុនា ឆ្នាំ២០២១។
អ្នកចាត់ការ Real Madrid រូបនេះគឺជាគ្រូបង្វឹកតែម្នាក់គត់ដែលបានឈ្នះពាន European Cup ៤ដង ខណៈដែលគាត់ក៏ជាអ្នកដំបូងគេដែលឈ្នះពានរង្វាន់អឺរ៉ុបធំៗទាំង៥នៅអ៊ីតាលី អង់គ្លេស បារាំង អាល្លឺម៉ង់ និងអេស្ប៉ាញ។
កាលពីរដូវកាលមុន Real Madrid បានឈ្នះពានរង្វាន់ Copa del Rey ប៉ុន្តែបានបញ្ចប់ចំណាត់ថ្នាក់លេខ២ចាញ់ក្រុម Barcelona ក្នុងក្របខ័ណ្ឌកំពូលរបស់អេស្ប៉ាញ ហើយបានធ្លាក់នៅវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ។
រដូវកាលនេះក្រុម Real Madrid កំពុងឈរកំពូលតារាង La Liga បន្ទាប់ពីការប្រកួតចំនួន១៨ ហើយនៅតែស្ថិតក្នុងការប្រកួតប្រជែងដណ្តើមពានរង្វាន់អឺរ៉ុប និងក្នុងស្រុកទាំងអស់របស់ពួកគេ ៕
ដោយ៖ ភារៈ(រូបភាព ៖ BBC Sport)
