សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក ទូច សុឃៈ អ្នកនាំពាក្យរងក្រសួងមហាផ្ទៃ បានឱ្យដឹងថា របាយការណ៍ក្រសួងមហាផ្ទៃរយៈពេលមួយសប្ដាហ៍ ដោយសរគ្រោះថ្នាក់ចរាចរណ៍នៅទូទាំងប្រទេសបានកើតឡើងសរុបចំនួន ៥៧ករណី ដែលបណ្ដាលឲ្យស្លាប់ចំនួន ២២នាក់ និងរងរបួស ៧៧នាក់ នៅទូទាំងប្រទេស គិតពីថ្ងៃទី២ មកដល់ថ្ងៃទី៧ ខែមករា ឆ្នាំ២០២៤ នេះ។
អ្នកនាំពាក្យរងរូបនេះ បានថ្លែងបន្តថា មិនខុសពីឆ្នាំ២០២៣ ទាំង មូលនោះទេ ករណីគ្រោះថ្នាក់ចរាចរណ៍នៅតែ ប្រធានបទដ៏ក្តៅគគុក ជាពិសេសកើតលើអ្នកប្រើប្រាស់ម៉ូតូតែម្ដង គឺជួបគ្រោះថ្នាក់ ច្រើនជាងគេដដែល ស្រប ពេលដែលហេដ្ឋារចនាសម្ព័ន្ធរូបវន្ត របស់យើង កាន់តែរីកចម្រើនជាលំដាប់។
លោកបន្តថា ជាទិសដៅអាទិភាព ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដាក់បញ្ហាចរាចរណ៍ ជាទិសដៅអាទិភាពក្នុងចំណោមទិសដៅអាទិភាពទាំង៦ របស់ក្រសួងមហាផ្ទៃ ក្នុងអាណត្តិទី៧នេះ។ ជាបន្តបន្ទាប់ ឯកឧត្ដមឧបនាយករដ្ឋមន្ត្រី តែងដាក់គោលការណ៍អនុវត្តដល់អង្គភាពជំនាញជាប្រចាំ។
អ្នកនាំពាក្យរងរូបនេះបន្តថា ចំនួនអ្នកស្លាប់ និងរងរបួសនៅតែបន្ត កើតឡើងពីមួយថ្ងៃទៅមួយថ្ងៃ ដែលក្នុងនោះ បណ្ដា លម ក ពីការបើកបរធ្វេសប្រហែស បើកបរក្នុងស្ថានភាពស្រវឹង បើកបរលើស ល្បឿនកំណត់ មើលស្រាលស្ថានការណ៍ ការចង់ចាញ់ចង់ឈ្នះ-មិនយោគយល់គ្នាលើដងផ្លូវ…។ ជារួម កង្វះ កា រឈ្វេងយល់ និងគោរពច្បាប់ចរាចរណ៍ ជាដើម។ល។ ដែលទាមទារឱ្យមានការចូលរួមព្រមគ្នាដើម្បីដោះស្រាយ៕
ដោយ៖ តារា
