សារព័ត៌មាន នគរវត្ត តែងតែនាំមុខគេជានិច្ច
ខេត្តកំពត ៖ ពាក្យថា«ខ្លាចខ្មោច» ច្រើនតែកើតមានទៅលើ មនុស្ស ប្រុស ស្រី ក្មេង ចាស់ ជារឿយៗ … ព្រឺសម្បុរ ស្រមើស្រម៉ៃ ឃើញនេះ ឃើញនោះ ធ្វើអោយអារម្មរណ៍ ប្តូរពីភាពរឹងមាំ ក្លាយជា ខ្លាច ព្រឺ រងារ …!
ដូច្នេះ ! មានរឿងប្លែកទៀតហើយ ! អ្នកភូមិ៤នាក់ខ្លាចខ្មោច ក៏រត់រកអាចារ្យ «យូគី»ជួយ មានន័យថា ៖ បានហៅអាចារ្យយូគី(អាចារ្យដុតសព) ឲ្យមកស្រោចទឹកបោសកំរោល ដើម្បីបញ្ចៀសចង្រៃកុំឲ្យភិតភ័យនៅក្នុងខ្លួនទៀត ទើបពួកគាត់ហ៊ានចូលផ្ទះ ។
សូមបញ្ជាក់ថា ៖ អ្នកភូមិចំនួន៤នាក់កើតមានអាការៈភ័យខ្លាច បន្ទាប់ពីពួកគាត់បានសែងសពបុរសម្នាក់ដែលចងក សម្លាប់ខ្លួននៅលើដើមស្វាយ ហើយអ្នកភូមិប្រទះឃើញកាលពីព្រឹកថ្ងៃទី៣១ ខែមករា ឆ្នាំ២០២៤ នៅភូមិកោះទ្រមូង ឃុំបឹងសាលាខាងជើង ស្រុកកំពង់ត្រាច ។
មន្ត្រីនគរបាលប៉ុស្តិ៍ បាននិយាយនៅកន្លែងកើតហេតុថា បុរសដែលចងក នៅលើដើមស្វាយនេះឈ្មោះ សុន សំណាង អាយុ៣៩ឆ្នាំ ។ បុរសរូបនេះមិនមានប្រពន្ធកូនទេ មានតែម្ដាយ ហើយរូបគេរស់នៅជាមួយនឹង បងជីដូនមួយ ឯការចង ក នេះបានកើតឡើងនាវេលាទៀបភ្លឺពេលក្រោកពីដំណេក ។
ប្រភពដដែលនិយាយទៀតថា ៖ បុរសរូបនេះកន្លងមកធ្លាប់ចុះទូកនេសាទត្រី ហើយមានជំងឺស្រាល (អេដស៍) ផង ដែលទំនងជាតូចចិត្តទើបទៅចងក ធ្វើអត្តឃាតបែបនេះ ដោយគ្នានអ្នកផ្ទះណាម្នាក់បានដឹងឡើយ ។ ជនរងគ្រោះឡើងទៅចងកនៅលើដើមស្វាយនាវេលាទៀបភ្លឺ នៅខាងត្បូងផ្ទះប្រមាណ៣រយម៉ែត្រ ។
បន្ទាប់ពីពិនិត្យសព្វគ្រប់ នគរបាលបញ្ជាក់ថា ៖ បុរសឈ្មោះ សុន សំណាង ពិតជាចងក ធ្វើអត្តឃាត ។ ដោយឡែក អ្នកភូមិចំនួន៤នាក់ដែលបានសែងសព អ្នកចងក នេះ ពួកគាត់កើតមានអាការៈភ័យខ្លាច និងបានហៅអាចារ្យយូគី(អាចារ្យដុតសព) ឲ្យមកស្រោចទឹកបោសកំរោល ដើម្បីបញ្ចៀសចង្រៃកុំឲ្យភិតភ័យនៅក្នុងខ្លួនទៀត ទើបពួកគាត់ហ៊ានចូលផ្ទះ ។
ជាធម្មតា ! កាលបើអារម្មណ៍កើតមានហើយ ត្រូវធ្វើទៅតាមជំនឿ ដែលពួកគាត់ យល់ថា អាចឱ្យពួកខ្លួន បាត់ខ្លាច ភ័យ នោះជាការល្អផងដែរ ៕
ដោយ ៖ សិលា
