ផ្អើលទាំងព្រឹក!ជនសង្ស័យចូល កាច់សោររបងផ្ទះគេ ចូលលួចម៉ូតូហុងដាសេ១២៥ ស៊េរី២០២១ មួយគ្រឿង បន្សល់ម៉ូតូមួយគ្រឿងផ្អើលទាំងព្រឹក

ខេត្តស្វាយរៀង៖ ជនសង្ស័យ មិនស្គាល់មុខ ចូល កាច់សោររបងផ្ទះគេ ហើយចូល លួចម៉ូតូហុងដាសេ១២៥ ស៊េរី២០២១ មួយគ្រឿង ដែលម្ចាស់ចតទុកក្នុងរោងដាក់រថយន្ត ហើយបានបន្សល់ទុកម៉ូតូមួយគ្រឿងផ្អើលទាំងព្រឹក។

ហេតុការណ៍នេះបានកើតឡើងកាលពីវេលាម៉ោង៦និង៣០នាទីព្រឹក ថ្ងៃទី០៣ខែកុម្ភ: ឆ្នាំ២០២៤ ចំណុចភូមិប្រសូតិ២ ឃុំកណ្ដៀងរាយ ស្រុកស្វាយទាប ខេត្តស្វាយរៀង ។

យោងតាមសមត្ថកិច្ចនគរបាលស្រុកបានឱ្យដឹងថា ម្ចាស់ឈ្មោះ វុធ អម្ព ភេទប្រុស អាយុ២៩ឆ្នាំ មុខរបរយោធា មានទីលំនៅភូមិត្រោក ឃុំកំពង់ចំឡង ស្រុកស្វាយជ្រំ ខេត្តស្វាយរៀង ។

ចំណែកម៉ូតូដែលត្រូវជនសង្ស័យលួចម៉ាកហុងដាពណ៌ខ្មៅ ស៊េរីឆ្នាំ២០២១ ពាក់ស្លាកលេខស្វារៀង1U9295លេខតួ:NIL125ME5998636 លេខម៉ាស៊ឺន:ND125ME5998636។

រីឯម៉ូតូជនសង្ស័យបន្សល់ទុកនៅផ្ទះកើតហតុម៉ាក ហុងដាឌ្រីមឆ្នាំ២០០៧ពណ៌ខ្មៅពាក់ស្លាកលេខស្វាយរៀង1A-2258ខណៈនៅ ចម្ងាយពីកន្លែងកើតហេតុប្រហែល៦០ម៉ែត្រ។

បើតាមម្ចាស់ផ្ទះរងគ្រោះបានប្រាប់សមត្ថកិច្ចថា មុនកើតហេតុ បន្ទាប់ពីហូបបាយជុំគ្នាជាមួយក្រុមគ្រួសាររួច គាត់បានយកម៉ូតូទៅ ទុកក្នុងរោងដាក់រថយន្ត ហើយចូលដេកក្នុងផ្ទះដូចធម្មតា។

លុះព្រឹក ឡើងក៏មានការភ្ញាក់ផ្អើល ខណៈឃើញទ្វាររបងផ្ទះត្រូវជនសង្ស័យគាស់និងបាត់ម៉ូតូមួយគ្រឿងដែល ចតទុកក្នុងរោងដាក់រថយន្តតែម្ដង។

បច្ចុប្បន្ន សមត្ថកិច្ចកំពុងធ្វើកំណត់ហេតុនិងស្រាវជ្រាវរកជនសង្ស័យមកចាត់ការតាមច្បាប់អោយខានតែបានចំណែក វត្ថុតាង ម៉ូតូរបស់ជនសង្ស័យដែលធ្វើសកម្មភាពហើយទុកចោលចម្ងាយពីកន្លែងកើតហេតុប្រហែល៦០ម៉ែត្រសមត្ថកិច្ចយកមករក្សាទុកនៅប៉ុស្តិ៍នគរបាលកណ្ដៀងរាយស្រុកស្វាយទាប៕

ដោយ៖ សុថាន