សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធ Rasmus Hojlund បានស៊ុតបាល់បញ្ចូលទីសម្រាប់ការប្រកួត Premier League ជាលើកទី៦ជាប់ៗគ្នា ខណៈដែលក្រុមបិសាចក្រហម Manchester United បានយកឈ្នះក្រុមម្ចាស់ផ្ទះ Luton Town ដើម្បីបន្តប្រជែងយកក្រុមកំពូលទាំង៤នៅឯកីឡដ្ឋាន Kenilworth Road ។
ការចុះហត្ថលេខានៅរដូវក្តៅតម្លៃ៧២លានផោនរបស់ Man Utd ពី Atalanta បានរងនូវការរិះគន់ ប៉ុន្តែឥឡូវនេះខ្សែប្រយុទ្ធខាងលើបានរកគ្រាប់បាល់២គ្រាប់ក្នុងរយៈពេល៧នាទីដំបូងដើម្បីបង្កើតការឈ្នះលីកជាលើកទី៤ជាប់ៗគ្នាសម្រាប់ក្រុមរបស់លោក Erik ten Hag ។កីឡាករវ័យ២១ឆ្នាំរូបនេះបានវាយបកទៅលើកំហុសរបស់ Amari’i Bell បន្ទាប់ពីត្រឹមតែ៣៧វិនាទីប៉ុណ្ណោះដើម្បីអូសបាល់ផុតដៃអ្នកចាំទី Thomas Kaminski និងស៊ុតបញ្ចូលទីដោយបន្ថែមមួយគ្រាប់ទីពីរនៅនាទីទី៧ដោយចេតនាបង្វែរការស៊ុតរបស់ Alejandro Garnacho ចូលទៅក្នុងសំណាញ់ទី។
ក្រុមម្ចាស់ផ្ទះ Luton Town បានព្យាយាមឆ្លើយតបដោយកីឡាករ Carlton Morris បានផ្តល់ក្តីសង្ឃឹមពីការតែតបាល់បញ្ចូលទី ខណៈ United ព្យាយាមទប់ទល់នឹងភាពតានតឹងរបស់ក្រុមម្ចាស់ផ្ទះ ជាពិសេសក្នុងការប្រកួតតង់ទីមួយ។
ក្រុមបិសាចក្រហមបានបាត់បង់ខ្សែការពារ Luke Shaw ដោយសាររបួសនៅមុនចន្លោះពេល ខណៈ Harry Maguire និង Casemiro ក៏ដាច់នៅតង់ទី២ប៉ុន្តែសម្រាប់ការព្យាយាមក្នុងតង់ទី២ របស់ Luton វាគឺជាក្រុមភ្ញៀវដែលបង្កើតឱកាសល្អជាង Kaminski ដែលបានបដិសេធ Garnacho, Rashford និង Hojlund ពីការស៊ុតបាល់។
ទោះបីជាយ៉ាងណាក៏ដោយ មានពេលដ៏គួរឱ្យភ័យខ្លាចមួយបន្ថែមទៀតសម្រាប់អ្នកទស្សនានៅក្នុងម៉ោងបញ្ឈប់ នៅពេលដែលការព្យាយាមរបស់ Ross Barkley ហត់ទៅតែតបាល់ ប៉ុន្តែផុតរបារទីខាងលើទៅវិញ។ ជ័យជម្នះនេះមានន័យថា Man Utd មានត្រឹមតែ៥ពិន្ទុតាមពីក្រោយក្រុមលេខ៤ Aston Villa ៕
ដោយ៖ ភារៈ(រូបភាព ៖ BBC Sport)
