សារព័ត៌មាន នគរវត្ត តែងតែនាំមុខគេជានិច្ច
ប្រទេសអូស្ត្រាលី ៖ ក្នុងពិធីសំណេះសំណាលជាមួយបងប្អូនសហគមន៍ខ្មែររស់នៅក្នុងប្រទេសអូស្រ្តាលី និងនូវ៉ែលសេឡង់ ប្រមាណជាង១៦០០នាក់ នៅទីក្រុងម៉ែលប៊ន ប្រទេសអូស្ត្រាលី នៅថ្ងៃទី៣ ខែមីនា ឆ្នាំ២០២៤ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានថ្លែងថា ៖ រាជរដ្ឋាភិបាល នីតិកាលទី៧ នៃរដ្ឋសភា បានដាក់ចុះនូវវិធានការគន្លឹះចំនួន៥ សម្រាប់ដោះស្រាយបញ្ហាប្រឈមជាអាទិភាព។
សម្តេចធិបតី ហ៊ុន ម៉ាណែត បានគូសបញ្ជាក់ថា វិធានការគន្លឹះចំនួន៥ នោះរួមមាន៖
១-ការពង្រឹងសមត្ថភាពរដ្ឋបាលសាធារណៈ។
២-ការលើកកម្ពស់គុណភាពអប់រំ ។
៣-ការលើកកម្ពស់គុណភាពសេវាសុខាភិបាល ។
៤-ការពង្រឹងការអនុវត្តគោលនយោបាយភូមិ ឃុំ មានសុវត្ថិភាពដើម្បីប្រយុទ្ធប្រឆាំងនឹងការជួញដូរនិងប្រើប្រាស់គ្រឿងញៀន
និង៥-ការពង្រឹង និងលើកកម្ពស់គុណភាព និងប្រសិទ្ធភាពនៃប្រព័ន្ធយុត្តិធម៌។
សូមបញ្ជាក់ថា ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកស្រីបណ្ឌិត ពេជ ចន្ទ មុនី្ន ហ៊ុនម៉ាណែតបានអញ្ជេីញជួបសំណេះសំណាលជាមួយបងប្អូនសហគមន៍ខ្មែររស់នៅប្រទេស អូស្ត្រាលី និងនូវ៉ែលសេឡង់ ប្រកបដោយភាពស្និទស្នាល និងកក់ក្តៅក្រោមស្នាមញញឹមមហាគ្រួសារខ្មែរ ដែលបានមកជួបជុំគ្នា និងក្តាប់ជាប់ពីស្ថានភាព និងការវិវត្តជាក់ស្តែងនៅកម្ពុជា ព្រោះបងប្អូនយេីងនៅខាងក្រៅ ពិតជានឹករលឹកភូមិដ្ឋានកំណេីត និងស្រឡាញ់ប្រទេសជាតិបំផុត បេីទោះបីជាកំពុងរស់នៅរាប់រយពាន់គីឡូម៉ែត្រឆ្ងាយក៏ដោយ ៕
ដោយ ៖ សិលា
