សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ ជនសង្ស័យចំនួន១៨នាក់ ត្រូវសមត្ថកិច្ចនគរបាល នៃអធិការដ្ឋាននគរបាលក្រុងពោធិ៍សាត់ ចុះស្រាវជ្រាវបង្ក្រាប និងឃាត់ខ្លួនជាបន្តបន្ទាប់ពាក់ព័ន្ធករណី រក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន ចំនួន៦ ករណី ក្នុងរយៈពេលមួយថ្ងៃ។
បេីតាមការបញ្ជាក់ពីលោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់ បានប្រាប់ឲ្យដឹងនៅរសៀលថ្ងៃទី២៩ ខែមីនា ឆ្នាំ២០២៤នេះថា ដោយអនុវត្តយ៉ាងម៉ឹងម៉ាត់ នូវប្រសាសន៍ចង្អុលការរបស់លោកឧត្តមសេនីយ៍ទោ ស ថេង ស្នងការនគរបាលខេត្ត ក្នុងការ បង្ការ ទប់ស្កាត់ បង្ក្រាបបទល្មើស គ្រប់ប្រភេទ នៅតាមមូលដ្ឋាន កម្លាំងនគរបាលរបស់អធិការដ្ឋាននគរបាលក្រុងពោធិ៍សាត់ បានចេញប្រតិបត្តិបង្ការ ករណី រក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀនចំនួន៦ករណី។
ករណីទី១នៅវេលាម៉ោង១៦និង២៥នាទី ដោយមានការសម្របសម្រួលនីតិវិធី ដឹកនាំបញ្ជាផ្ទាល់ដោយលោក ប៊ុង តាំងទី ព្រះរាជអាជ្ញារង នៃអយ្យការអមសាលាដំបូងខេត្តពោធិ៍សាត់ មានការចូលរួមពីក្រុមប្រឹក្សាសង្កាត់ មេភូមិ កម្លាំងប្រជាការពារ ដឹកនាំដោយលោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់ ចុះបង្រ្កាបករណីរក្សាទុក ប្រេីប្រាស់ ជួញដូរដោយខុសច្បាប់នូវសារធាតុញៀន នៅចំណុចផ្ទះជនសង្ស័យស្ថិតនៅភូមិផ្ទះព្រៃ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ឃាត់ខ្លួនជនសង្ស័យចំនួន ០៦នាក់ ស្រី២នាក់.ឈ្មោះ ព្រំ ដាណេត ភេទប្រុស អាយុ៣៥ឆ្នាំ មុខរបរមិនពិតប្រាកដ(ជាម្ចាស់ផ្ទះ).ឈ្មោះ ឡេង គឹមហួរ ភេទប្រុស អាយុ៣៣ឆ្នាំ រស់នៅភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់.ឈ្មោះ ឈឹម ចាន់លីន ភេទស្រី អាយុ៣០ឆ្នាំ មុខរបរមិនពិតប្រាកដ រស់នៅភូមិយស ឃុំកណ្ដៀង ស្រុកកណ្ដៀង ខេត្តពោធិ៍សាត់.ឈ្មោះ ប៊ុន សុខនី ភេទស្រី អាយុ២៩ឆ្នាំ មុខរបរមិនពិតប្រាកដ ស្នាក់នៅភូមិផ្ទះព្រៃ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ .ឈ្មោះ ដា នីត ភេទស្រី អាយុ២១ឆ្នាំ មុខរបរមុនពិតប្រាកដ រស់នៅភូមិក្បាលហុង សង្កាត់បន្ទាយដី ក្រុងពោធិ៍សាត់ ខេត្តពោធិ៍សាត់ .ឈ្មោះ ឡៃ ហុកវ័ន ភេទប្រុស អាយុ៣២ឆ្នាំ មុខរបរមិនពិតប្រាកដ រស់នៅភូមិពាលញែក២ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ នឹងដកហូតវត្ថុតាងរួមមាន: ម្សៅក្រាមពណ៌សថ្លាសង្ស័យជាសារធាតុញៀនចំនួន៧កញ្ចប់ ,ជញ្ជីងអេឡិចត្រូនិចសម្រាប់ថ្លឹងថ្នាំញៀនចំនួន១គ្រឿង ,ថង់ផ្លាស្ទិចសម្រាប់ច្រកថ្នាំញៀនមួយចំនួន ,ឧបករណ៍ជក់ថ្នាំញៀនចំនួន១កំប្លេ ,ទូរសព្ទដៃចំនួន៤គ្រឿង,ម៉ូតូចំនួន១គ្រឿង។
ករណីទី២ នៅវេលាម៉ោង១៧និង៥០នាទី កម្លាំងសមត្ថកិច្ច បានបន្តចុះបង្រ្កាបករណីបទរក្សាទុកដោយខុសច្បាប់នូវសារធាតុញៀន និងប្រើប្រាស់ដោយខុសច្បាប់នូវសារធាតុញៀន នៅចំណុចបន្ទប់ជួលជនសង្ស័យ ស្ថិតនៅភូមិចំការចេក សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ឃាត់ខ្លួនជនសង្ស័យបានចំនួន៤នាក់ ស្រី៣នាក់.ឈ្មោះ សាំង បូណា ភេទប្រុស អាយុ៣៣ឆ្នាំ(ជាម្ចាស់បន្ទប់).ឈ្មោះ ធី ហេង ភេទស្រី មុខរបរ ធ្វើការខារ៉ាអូខេ អាយុ២៦ឆ្នាំ ស្នាក់នៅភូមិពាលញែក២ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ .ឈ្មោះ សោម ចាន់ទីណា ភេទស្រី អាយុ៣៦ឆ្នាំ មុខរបរមិនពិតប្រាកដ រស់នៅភូមិពាលញែក២ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ .ឈ្មោះ អូន ពៅ ភេទស្រី អាយុ៣១ឆ្នាំ រស់នៅភូមិពោធិ៍តាកួយ សង្កាត់លលកស ក្រុងពោធិ៍សាត់ ខេត្តពោធិ៍សាត់ នឹងវត្ថុតាងរួមមាន: ម្សៅក្រាមពណ៌សថ្លាសង្ស័យសារធាតុញៀនចំនួន២កញ្ចប់ ,ឧបករណ៍ជក់ថ្នាំញៀនចំនួន១កំប្លេ ,ដែកកេះចំនួន៣ដើម, ទូរសព្ទ ដៃចំនួន៣គ្រឿង ,ថែបភ្លែតចំនួន១គ្រឿង,កាបូបលុយចំនួន១។ ករណីទី៣ នៅវេលាម៉ោង១៩និង០៥នាទី កម្លាំងសមត្ថកិច្ចបានបន្តចុះបង្រ្កាបនិងឃាត់ខ្លួនជនសង្ស័យចំនួន១នាក់ ករណីជួញដូរដោយខុសច្បាប់នូវសារធាតុញៀន នៅចំណុចមុខផ្ទះជនសង្ស័យ(ម្ដុំផ្សារចាស់) ស្ថិតនៅភូមិផ្ទះព្រៃ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ជនសង្ស័យឈ្មោះ ឈួន ជំន្នោ ភេទប្រុស អាយុ២៨ឆ្នាំ រស់នៅភូមិសង្កាត់ខាង លើ នឹងវត្ថុតាងរួមមាន: ម្សៅក្រាមពណ៌សថ្លាសង្ស័យសារធាតុញៀនចំនួន១កញ្ចប់,កញ្ចប់បារីចំនួន១, ដែកកេះចំនួន១ដើម,ទូរសព្ទដៃចំនួន១គ្រឿង,ម៉ូតូចំនួន១គ្រឿង,អត្តសញ្ញាណប័ណ្ណសញ្ជាត្តិខ្មែរចំនួន១ សន្លឹក។
ករណីទី៤ នៅវេលាម៉ោង២០និង២៥នាទី កម្លាំងសមត្ថកិច្ចបានឃាត់ខ្លួនជនសង្ស័យចំនួន៤នាក់ នៅចំណុចក្រោយមន្ទីរពេទ្យខេត្ត ស្ថិតនៅភូមិក្បាលហុង សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ជនសង្ស័យឈ្មោះ អុឹម ដាវីត ភេទប្រុស មុខរបរមិនពិតប្រាកដ រស់នៅភូមិស្ទឹងតូច សង្កាត់រលាប ក្រុងពោធិ៍សាត់ ខេត្តពោធិ៍សាត់.ឈ្មោះ ញុឹក ឈុនឡាង ភេទប្រុស អាយុ២៣ឆ្នាំ មុខរបរមិនពិតប្រាកដ រស់នៅភូមិអូរកា សង្កាត់ចំរើនផល ក្រុងពោធិ៍សាត់ ខេត្តពោធិ៍សាត់.ឈ្មោះ ម៉េត យូ ភេទប្រុស អាយុ២២ឆ្នាំ មុខរបរមិនពិតប្រាកដ រស់នៅភូមិស្នាមព្រះ ឃុំស្នាមព្រះ ស្រុកបាកាន ខេត្តពោធិ៍សាត់.
ឈ្មោះ វ៉ាន ណាក់ ភេទប្រុស អាយុ២៤ឆ្នាំ មុខរបរ មិនពិតប្រាកដ រស់នៅភូមិពោធិ៍វង្ស ឃុំកោះជុំ ស្រុកកណ្ដៀង ខេត្តពោធិ៍សាត់ នឹងវត្ថុតាងរួមមាន: ម៉ូតូចំនួន១គ្រឿង,ធ្វើតេស្តទឹកនោមលទ្ធផលវិជ្ជមាន(+)មានសារធាតុញៀន។
ករណីទី៥ នៅវេលាម៉ោង២១និង១០នាទី កម្លាំងសមត្ថកិច្ចបានបន្តចុះបង្រ្កាបនិងឃាត់ខ្លួនជនសង្ស័យចំនួន២នាក់ ករណី រក្សាទុក ជួញដូរដោយខុសច្បាប់នូវសារធាតុញៀន នៅចំណុចជិតហាងលក់គោយន្តអេង ហុក ផ្លូវជាតិលេខ៥ ស្ថិតនៅភូមិពោធិ៍តាកួយ សង្កាត់លលកស ក្រុងពោធិ៍សាត់ ខេត្តពោធិ៍សាត់ ជនសង្ស័យឈ្មោះ ងួន លីហួរ ភេទប្រុស អាយុ៣២ឆ្នាំ មុខរបរមិនពិតប្រាកដ រស់នៅភូមិពោធិ៍កំបោរ ឃុំវាល ស្រុកកណ្ដៀង ខេត្តពោធិ៍សាត់ .ឈ្មោះ សៀក ស្រីល័ក្ខ ភេទស្រី អាយុ២៧ឆ្នាំ មុខរបរ មិនពិតប្រាកដ រស់នៅភូមិត្នោតជុំ ឃុំត្នោតជុំ ស្រុកក្រគរ ខេត្តពោធិ៍សាត់ នឹងវត្ថុតាងរួមមាន: ម្សៅក្រាមពណ៌សថ្លាសង្ស័យសារធាតុញៀនចំនួន៧កញ្ចប់,ទូរសព្ទដៃចំនួន៣គ្រឿង,ម៉ូតូចំនួន១គ្រឿង,កាបូបលុយពណ៌ខ្មៅចំនួន១។
ករណីទី៦ នៅវេលាម៉ោង២១និង៣០នាទី កម្លាំងសមត្ថកិច្ចបានឃាត់ខ្លួនជនសង្ស័យ១នាក់ នៅចំណុចផ្ទះជនសង្ស័យ ស្ថិតនៅភូមិពោធិ៍តាកួយ សង្កាត់លលកស ក្រុងពោធិ៍សាត់ ខេត្តពោធិ៍សាត់ ជនសង្ស័យឈ្មោះ កែវ សំបូរ ភេទប្រុស អាយុ៤០ឆ្នាំ មុខរបរមិនពិតប្រាកដ រស់នៅភូមិពោធិ៍តាកួយ សង្កាត់លលកស ក្រុងពោធិ៍សាត់ ខេត្តពោធិ៍សាត់ នឹងវត្ថុតាងរួមមាន,ម៉ូតូចំនួន១គ្រឿង,ធ្វើតេស្តទឹកនោមលទ្ធផលវិជ្ជមាន(+)មានសារធាតុញៀន។ លោកអធិការបានបន្តថា បច្ចុប្បន្នជនសង្ស័យទាំង១៨នាក់ រួមនិងវត្ថុតាងខាងលើសមត្ថកិច្ចបានឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងពោធិ៍សាត់ ដេីម្បីចាត់ការតាមនីតិវិធី៕
ដោយ៖ តារា
