សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បេីកឡំប្រឺតាតាមដងផ្លូវសុខៗស្រាប់តែមានរថយន្តឡិចស៉ីសRX300មួយគ្រឿងបេីកបរក្នុងល្បឿនលឿនមកពីក្រោយជ្រុលទៅបុករុញទៅគាបជាប់ដេីមពុទ្រាបណ្តាលឱ្យរងការខូចខាត ហេីយរថយន្តបង្កបានបេីកគេចខ្លួនបាត់។
ហេតុការណ៍នេះបានកេីតឡេីងកាលពីវេលាម៉ោង១១និង៥០នាទីព្រឹកថ្ងៃទី៨ ខែឧសភា ឆ្នាំ២០២៤ នៅចំណុចខាងត្បូងច្រកចូលសាលាសង្កាត់ចោមចៅទី២ តាមបណ្តោយផ្លូវជាតិលេខ៣ សង្កាត់ចោមចៅទី២ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសម្នាក់
បេីកឡំប្រឺតា ពណ៌ស ពាក់ស្លាកលេខភ្នំពេញ1JR-5374 ធ្វេីដំណេីរតាមបណ្តោយផ្លូវជាតិលេខ៣ក្នុងទិសដៅពីត្បូងទៅជេីង ខណៈមកដល់ចំណុចកេីតហេតុស្រាប់តែមានរថយន្តម៉ាកឡិចស៉ីសRX300មិនចាំស្លាកលេខបើកមកពីក្រោយលឿនជ្រុលទៅបុកពេញទំហឹងបណ្តាលឱ្យឡំប្រឺតាទៅបុកគាបជាប់ដេីមពុទ្រារងការខូចខាតនិងធ្វេីឱ្យម្ចាស់រងរបួសស្រាល ដោយឡែករថយន្តបង្កហេតុបានបេីកគេចខ្លួនបាត់។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុ ហើយដោយសារតែម្ចាស់ឡំប្រឺតាមិនបានដាក់ពាក្យបណ្តឹងនិងមិនមានប៉ះពាល់ដល់ទ្រព្យសម្បត្តិរដ្ឋទេីបប្រគល់ឱ្យម្ចាស់យកទៅជួលជុលដោយខ្លួនឯង៕
ដោយ៖សុខាសែនជ័យ
