សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តឃ្លុបកូរ៉េ១គ្រឿងខណៈបើកបរលឿនមិនប្រយ័ត្នហើយជាន់ហ្វ្រ័ងស្រាប់តែដាច់ហ្វ្រ័ង រេចង្កូតជ្រុលទៅបុករះផ្ទះលក់គុយទាវមួយកន្លែង កិនម៉ូតូមួយមួយគ្រឿងបណ្ដាលឱ្យរងការខូចខាត។
ហេតុការណ៍នេះបានកើតឡើងកាលពីវេលាម៉ោង៩និង៣០នាទីព្រឹកថ្ងៃទី៧ ខែមិថុនា ឆ្នាំ២០២៤ នៅតាមមហាវិថីឈ្នះ=ឈ្នះ ក្នុងភូមិចែងម៉ែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
តាមប្រពពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តកូរ៉េឃ្លុប១គ្រឿងពណ៌ស ពាក់ស្លាកលេខភ្នំពេញ3D-2664 បើកបរដោយបុរសម្នាក់ធ្វើដំណើរតាមបណ្តោយមហាវិថីឈ្នះ=ឈ្នះ ក្នុងទិសដៅពីត្បូងទៅជើង ។ លុះពេលទៅដល់ត្រង់ចំណុចកើតហេតុស្រាប់តែដាច់ហ្រ្វ័ង ហើយអ្នកបើកបរបានកាច់សោពន្លត់ម៉ាសុីនដើម្បីឱ្យឈប់ ប៉ុន្តែរថយន្តមិនព្រមឈប់នោះទេ ។ ប្រភពដដែលបានឲ្យដឹងបន្តទៀតថា ខណៈនោះរថយន្តជាប់សោ.ក ក៏បានបានរេចង្កូតទៅបុករះម៉ូតូម៉ាកស៊់ុយហ៊្សុយគីស្មាស់១គ្រឿង ពណ៌ខ្មៅ ពាក់ស្លាកលេខភ្នំពេញ1AJ-7007 ដែលម្ចាស់ចតក្បែរផ្លូវរួចចូលហូបគុយទាវ ។ នៅមិន ទាន់អស់ខ្យល់រថយន្តបង្កបានបន្តទៅបុកសំយាបផ្ទះលក់បាយនិងគុយទាវខាងលើបណ្ដាលឱ្យរងការខូចខាត ប៉ុន្តែសំណាងល្អពុំបានបណ្ដាលឱ្យមានអ្នករងរបួសនោះឡើយ ។
ក្រោយពេលកើតហេតុសមត្ថកិច្ចបានចុះទៅដល់ចំណុចកេីតហេតុ ភាគីទាំងសងខាងសុំធ្វេីការសម្របសម្រួលគ្នាដោយភាគីខាងរថយន្តព្រមទទួលកំហុសចេញថ្លៃជួសជុលម៉ូតូចំនួន៣០០ដុល្លារនិងសំយាបផ្ទះចំនួន២០០ដុល្លារដេីម្បីបញ្ចប់រឿងនៅកន្លែងកេីតហេតុ៕
ដោយ៖សុខាសែនជ័យ
