សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់មិនដឹងជាមានរឿងអ្វីនោះទេបានលោតចូលក្រោមរថយន្តកុងតឺន័រមួយគ្រឿងខណៈកំពុងបេីកបរតាមដងផ្លូវបណ្តាលឱ្យរងរបួសធ្ងន់ ។
ហេតុការណ៍នេះបានកេីតឡេីងកាលពីវេលាម៉ោង៩និង៤០នាទីព្រឹក ថ្ងៃទី១១ ខែមិថុនា ឆ្នាំ២០២៤ នៅចំណុចខាងលិចសាលាសង្កាត់ចោមចៅទី៣ លេីកំណាត់ផ្លូវជាតិលេខ៤ ក្នុងសង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសម្នាក់ដេីរតាមផ្លូវជាតិលេខ៤ក្នុងទិសដៅពីកេីតទៅលិច ហេីយបានឈរក្បែរទ្រូងផ្លូវ។ បន្ទាប់មកក៏មានរថយន្តកុងតឺន័ររបស់ផែស្ងួត លីធាម ក្បាលពណ៌ស ពាក់ស្លាកលេខភ្នំពេញ3B-2856 ធ្វេីដំណេីរក្នុងទិសដៅពីកេីតទៅលិច ពេលមកដល់ចំណុចកេីតហេតុស្រាប់តែបុរសខាងលេីលោតចូលក្រោមរថយន្ត ប៉ុន្តែមិនានចូលដល់ក្រោមកង់រថយន្តនោះទេទើបរងរបួសធ្ងន់។ ភ្លាមៗនោះរថយន្តបានបេីកទៅមុខប្រហែល៣០ម៉ែត្រទើបតៃកុងឈប់ហេីយចុះរត់គេចខ្លួនបាត់។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យ ចំណែករថយន្តត្រូវបានសមត្ថកិច្ចយកទៅរក្សាទុករង់ចាំដោះស្រាយនៅពេលក្រោយ៕
ដោយ៖សុខាសែនជ័យ
