សារព័ត៌មាន នគរវត្ត តែងតែនាំមុខគេជានិច្ច
ក្រុមឧទ្ទាមមីយ៉ានម៉ា សម្រេចបានលទ្ធផលនៅឆ្នាំ 2023 ដោយសារការគាំទ្រពីកងទ័ពអាកាស។ ប៉ុន្តែនៅពេលដែលការប្រយុទ្ធបន្តអូសបន្លាយ រដ្ឋាភិបាលយោធាក៏បានទិញយន្តហោះគ្មានមនុស្សបើកពាណិជ្ជកម្មដែលផលិតដោយប្រទេសចិន ដែលត្រូវបានកែប្រែដើម្បីបំពាក់អាវុធវាយប្រហារ។
សមាជិកក្រុមឧទ្ទាមអាយុ ៣១ ឆ្នាំដែលហៅខ្លួនឯងថា តា យ៉ុកជី បានប្រាប់រ៉យទ័រថា៖ «ជម្លោះកំពុងផ្លាស់ប្តូរខណៈភាគីទាំងពីរប្រើយន្តហោះគ្មានមនុស្សបើក។ តាយុកជី បាននិយាយថា រដ្ឋាភិបាលយោធាបានចាប់ផ្តើមប្រើប្រាស់យន្តហោះគ្មានមនុស្សបើកប្រដាប់អាវុធ (UAVs) ដើម្បីវាយប្រហារពួកឧទ្ទាមនៅដើមឆ្នាំនេះ ហើយអង្គភាពរបស់គាត់ថ្មីៗនេះបានបាញ់ទម្លាក់មួយដែលពួកគេកំណត់អត្តសញ្ញាណគឺផលិតនៅក្នុងប្រទេសចិន។
Reuters បាននិយាយថា ខ្លួនក៏បានសម្ភាសក្រុមឧទ្ទាមបួននាក់ផ្សេងទៀត អ្នកវិភាគពីរនាក់ និងមន្ត្រីក្នុងតំបន់ម្នាក់។ ពួកគេពណ៌នាយ៉ាងលម្អិតអំពីការប្រើប្រាស់យន្តហោះគ្មានមនុស្សបើករបស់រដ្ឋាភិបាលយោធាមីយ៉ាន់ម៉ា ដែលអាចផ្ទុកគ្រឿងផ្ទុះ។
តា យក់ជី បាននិយាយថា សមាជិកតស៊ូជាច្រើននាក់បានរងរបួសដោយយន្តហោះគ្មានមនុស្សបើករបស់រដ្ឋាភិបាល។ តាយុកជី បានមានប្រសាសន៍ថា ៖ «គេបានប្រើវាកាន់តែល្អ»។
លោក Min Zaw Oo នាយកប្រតិបត្តិនៃវិទ្យាស្ថានមីយ៉ាន់ម៉ាសម្រាប់ការសិក្សាសន្តិភាព និងសន្តិសុខបាននិយាយថា របបយោធាបានចាប់ផ្តើមទិញយន្តហោះគ្មានមនុស្សបើករាប់ពាន់គ្រឿងពីប្រទេសចិនកាលពីដើមឆ្នាំនេះ ហើយបានកែប្រែពួកវាឱ្យបំពាំក់គ្រាប់រំសេវផលិតក្នុងស្រុក។
លោក Min Zaw Oo បានបញ្ជាក់ថា លោកបានដឹងព័ត៌មាននេះតាមរយៈមន្ត្រីយោធា និងមនុស្សដែលមានចំណេះដឹងអំពីការផលិតអាវុធ។
យោងតាម Reuters អ្នកនាំពាក្យរបស់រដ្ឋាភិបាលយោធាមីយ៉ាន់ម៉ាមិនបានឆ្លើយតបនឹងសំណើសុំធ្វើអត្ថាធិប្បាយលើព័ត៌មាននេះទេ។
កាលពីឆ្នាំមុន មេដឹកនាំរបបយោធាលោក Min Aung Hlaing បាននិយាយថា ក្រុមឧទ្ទាមបានទម្លាក់គ្រាប់បែកជាង 25,000 គ្រាប់ដោយប្រើយន្តហោះគ្មានមនុស្សបើកនៅក្នុងការវាយប្រហារដ៏ធំមួយលើទីតាំងយោធានៅក្នុងខែតុលា។
អ្នកនាំពាក្យក្រសួងការបរទេសចិន លោក Lin Jian បានបញ្ជាក់ថា «ចិនតែងតែមានការប្រុងប្រយ័ត្ន និងទទួលខុសត្រូវក្នុងការនាំចេញផលិតផល។
ប៉ុន្តែរដ្ឋាភិបាលយោធាមិនប្រើយន្តហោះបែបនេះក្នុងការវាយប្រហារទេ។ ពួកឧទ្ទាមនិយាយថា យោធាប្រើយន្តហោះគ្មានមនុស្សបើកពាណិជ្ជកម្ម រួមទាំងយន្តហោះដែលត្រូវបានរចនាឡើងសម្រាប់កសិកម្ម។
ជាងបីឆ្នាំចាប់តាំងពីរដ្ឋប្រហារផ្តួលរំលំរដ្ឋាភិបាលស៊ីវិល ពេលនេះយោធាមីយ៉ាន់ម៉ាបានបាត់បង់ការគ្រប់គ្រងលើទឹកដីដ៏ធំទៅឱ្យពួកឧទ្ទាម៕ ដោយ៖ ធីរីណា
រូបថត៖ tienphong
