សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានមានប្រសាសនថា ៖ ឯកឧត្តម ហង់ជួន ណារ៉ុន មុិញបានសូមជូនពរឱ្យកំណែទម្រង់វិស័យអប់រំរបស់ខ្ញុំឱ្យបានជោគជ័យ ..! តែកុំភ្លេចគាត់ជាអ្នកអនុវត្តវ។
សម្តេចធិបតី បានថ្លែងថា ៖ ខ្ញុំបានត្រឹមដាក់ចេញនូវទស្សនវិស័យ និងទស្សនទាន ប៉ុណ្ណោះទេ ប៉ុន្តែអនុវត្ត និងការរៀបចំនូវគោលនយោបាល និងផែនការសកម្មភាព និងការដឹកនាំអនុវត្តជាក់ស្តែង គឺតម្រូវឱ្យសេនាធិការច្បាស់លាស់ ហើយមកដល់ពេលនេះក្រសួង អប់រំ យុវជន និងកីឡា បានដើរតួនាទីសំខាន់ ហើយខ្ញុំជឿថា, គោលនយោបាយរបស់ខ្ញុំអាច អនុវត្តទៅបាន ជោគជ័យបាន ក៏មានសេនាធិការ ដែលរឹងមាំ ច្បាស់លាស់ និងប្រកបទៅដោយកម្លាំងថាមពល ដោយភាពច្នៃប្រឌិត ដោយភាពបុរេសកម្ម។
សម្តេចធិបតីបន្តថា ៖ ដូចលទ្ធផលគោលនយោបាយរបស់ខ្ញុំ អាស្រ័យលើ ឯកឧត្តមរដ្ឋមន្ត្រី ក្រសួង អប់រំ យុវជន និងកីឡា ខ្ញុំជឿទុកលើឯកឧត្តម ហង់ជួន ណារ៉ុន និងការចូលរួមលើគ្រប់វិស័យ ។
សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានថ្លែងបែបនេះនៅក្នុងពិធីសម្ពោធដាក់ឱ្យប្រើប្រាស់បណ្តាញសាកលវិទ្យាល័យសាយប័រកម្ពុជា នាព្រឹថ្ងៃទី២៥ ខែមិថុនា ឆ្នាំ២០២៤ ៕
ដោយ ៖ សុខ ខេមរា
