បាតុកម្មប្រឆាំងនឹងបទប្បញ្ញត្តិជ្រើសរើសមន្ត្រីរាជការក្នុងប្រទេសបង់ក្លាដែស យ៉ាងហោចណាស់មនុស្ស៣៩ នាក់បានស្លាប់

ចែករំលែក៖

យ៉ាងហោចណាស់មនុស្ស 39 នាក់ត្រូវបានសម្លាប់នៅក្នុងការប៉ះទង្គិចគ្នារវាងនិស្សិត នឹងប៉ូលិសបង់ក្លាដែស ទាក់ទងនឹងការតវ៉ាប្រឆាំងនឹងបទបញ្ជាជ្រើសរើសមន្ត្រីរាជការនៅក្នុងប្រទេស។
យោងតាមកាសែត The Guardian គិតត្រឹមថ្ងៃទី 18 ខែកក្កដា មនុស្សយ៉ាងតិច 39 នាក់បានស្លាប់និងរាប់រយនាក់ទៀតរងរបួស ចំពេលមានការតវ៉ាកាន់តែខ្លាំងឡើងប្រឆាំងនឹងបទបញ្ជាជ្រើសរើសមន្ត្រីរាជការនៅក្នុងប្រទេសបង់ក្លាដែស។
នៅក្នុងរដ្ឋធានី Dhaka ក្រុមបាតុករបានសម្រុកចូលទីស្នាក់ការទូរទស្សន៍បង់ក្លាដែស (BTV) ហើយបណ្តាលឱ្យមានអគ្គិភ័យជាច្រើននៅទីនោះ។ អំពើហិង្សាក៏បានលេចឡើងនៅទីក្រុងធំៗផ្សេងទៀតដូចជា Narayanganj និង Chittagong។
ប្រឈមមុខនឹងហ្វូងមនុស្សប៉ូលិសបង់ក្លាដែសត្រូវបានបង្ខំឱ្យប្រើគ្រាប់កាំភ្លើងជ័រនិងឧស្ម័នបង្ហូរទឹកភ្នែកដើម្បីបំបែក។ ទោះជាយ៉ាងណា អំពើហិង្សានៅតែកើនឡើងយ៉ាងឆាប់រហ័ស ខណៈក្រុមជ្រុលនិយមបន្តគប់ដុំថ្មដាក់ប៉ូលិស។ ការប៉ះទង្គិចគ្នាដោយអចេតនាទាំងនេះបានបណ្តាលឲ្យមានអ្នកស្លាប់ដោយអកុសលជាច្រើន។
ទីភ្នាក់ងារសារព័ត៌មាន Al Jazeera បាននិយាយថា ក្រុមនិស្សិតនៅក្នុងប្រទេសបង់ក្លាដែសបានធ្វើការតវ៉ាដើម្បីទាមទារឱ្យរដ្ឋាភិបាលធ្វើកំណែទម្រង់បទប្បញ្ញត្តិស្តីពីការជ្រើសរើសមន្ត្រីរាជការក្នុងរយៈពេលប៉ុន្មានសប្តាហ៍កន្លងមកនេះ។
យោងតាមនិស្សិត ការជ្រើសរើសមន្ត្រីរាជការតាមកូតាផ្តល់ផលប្រយោជន៍ដល់អ្នកគាំទ្រគណបក្ស Awami League របស់នាយករដ្ឋមន្ត្រី Sheikh Hasina ប៉ុណ្ណោះ។ ជាពិសេសបទប្បញ្ញត្តិនេះបែងចែក 1/3 នៃកូតាដល់សមាជិកគ្រួសារអតីតយុទ្ធជនដែលបានចូលរួមក្នុងការទទួលបានឯករាជ្យសម្រាប់បង់ក្លាដែសក្នុងឆ្នាំ 1971 ។
ទោះជាយ៉ាងណាក៏ដោយ ក្នុងបរិបទដែលមនុស្សជិត 32 លាននាក់ (ស្មើនឹង 1/5 នៃចំនួនប្រជាជនបង់ក្លាដែស) អត់ការងារធ្វើ សិស្សចង់ឱ្យរដ្ឋាភិបាលបង្កើតកម្មវិធីជ្រើសរើសបុគ្គលិកដោយផ្អែកលើគុណសម្បត្តិ៕ ដោយ៖ ធីរីណា