ប្តីប្រពន្ធ០២នាក់ជិះម៉ូតូធុនធំឌុបគ្នាយ៉ាងលឿនមិនប្រយ័ត្នទៅបុករថយន្តកំពុងឈប់ភ្លើងស្តុបពីក្រោយពេញទំហឹង បណ្ដាលឱ្យរងរបួសធ្ងន់ម្នាក់ ស្រាលម្នាក់

ភ្នំពេញ ៖ មានរថយន្ត ម៉ាក DONG FENG មួយគ្រឿងបានឈប់រង់ចាំភ្លេីង ស្តុប ភ្លាមនោះស្រាប់តែប្តីប្រពន្ធ២នាក់ បានជិះ ម៉ូតូFZ ធុនធំមួយគ្រឿងឌុបគ្នាជ្រុលទៅបុកពីក្រោយពេញទំហឹង បណ្តាលឱ្យរងរបួសធ្ងន់ម្នាក់ ស្រាលម្នាក់ និងត្រូវបានម៉ូតូកង់បីដឹកបញ្ចូនទៅសង្គ្រោះនៅឯមន្ទីរពេទ្យភ្លាមៗ។ 

ករណីគ្រោះថ្នាក់ចរាចរណ៍ខាងលេីនេះបានបង្កឡេីងកាលពីវេលាម៉ោង១០និង ៤០នាទីយប់ថ្ងៃទី ២៥ ខែកក្កដា ឆ្នាំ ២០២៤ នៅចំណុចភ្លើងស្តុប វត្តឫស្សី សាញ់ តាមបណ្ដោយផ្លូវ៥០ម៉ែត្រកែងផ្លូវ បេតុងព្រៃស ក្នុងភូមិប្រការ សង្កាត់ព្រៃស ខណ្ឌដង្កោ ។ 

បេីតាមប្រភពព័ត៌មានពីកន្លែងកើត ហេតុបានឱ្យដឹងថា មុនពេលកេីតហេតុ គេឃើញរថយន្តម៉ាក DONG FENG ពណ៌ខ្មៅ ពាក់ផ្លាកលេខ ភ្នំពេញ 2BP- 4053 បេីកបរដោយបុរសម្នាក់ធ្វើដំណើរ តាមបណ្ដោយផ្លូវ៥០ម៉ែត្រក្នុងទិសដៅពី ជើងទៅត្បូង ។ ពេលរថយន្ត DONG FENG បេីកមកដល់ចំនុចកេីតហេតុក៏បានឈប់ភ្លើងស្ទុបពណ៌ក្រហម រង់ចាំ ភ្លើងខៀវបន្តទៅមុខទៀត ភ្លាមៗនោះដែរស្រាប់តែមានប្តីប្រពន្ធ២នាក់ជិះម៉ូតូមួយគ្រឿងប្រភេទធុនធំម៉ាក YAMAHA FZ ពណ៌ខ្មៅ ពាក់ផ្លាកលេខ ភ្នំពេញ 1KE 9570 ជិះឌុបគ្នាយ៉ាងលឿនក្នុងទិសដៅ ស្របគ្នាមិនប្រយ័ត្នក៏ជ្រុលទៅបុករថយន្ដ ចំពីក្រោយពេញទំហឹងបណ្តាលឱ្យម៉ូតូ ខូចខ្ទេចស្ទេីរទាំងស្រុង រីឯរថយន្តរងការខូចខាតផ្នែកខាងក្រោយ ព្រមទាំងធ្វើ ឱ្យបុរសជាប្ដីរងរបួសធ្ងន់និងស្ត្រីជាប្រពន្ធ រងរបួសស្រាល ខណៈអ្នកទាំង២នាក់ត្រូវ បានប្រជាពលរដ្ឋដឹកតាមម៉ូតូកង់បីយក ទៅសង្គ្រោះនៅមន្ទីរពេទ្យភ្លាមៗផងដែរ ។ 

ក្រោយពេលកេីតហេតុភ្លាមៗ តៃកុងរថយន្ត DONG FENG ឃេីញស្ថានភាពមិនល្អក៏គេចខ្លូនបាត់ ។ បន្ទាប់មកសមត្ថកិច្ចមូលដ្ឋានផ្នែកជំនាញចរាចរណ៍ ចុះមកធ្វេីការវាស់វែងយករថយន្តនិងម៉ូតូ ទៅរក្សាទុកនៅអធិការដ្ឋាននគរបាល ខណ្ឌដង្កោ រង់ចាំដំណោះស្រាយនាពេលក្រោយ ៕

ដោយ ៖ ភារ៉ា ដង្កោ