សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសជាជនសង្ស័យម្នាក់ត្រូវបានសមត្ថកិច្ចខណ្ឌឫស្សីកែវឃាត់ខ្លួន ករណីជួញដូរដោយខុសច្បាប់នូវសារធាតុញៀន នៅថ្ងៃទី២៦ ខែសីហា ឆ្នាំ២០២៤ វេលាម៉ោង២និង៣០នាទីទៀបភ្លឺ ត្រង់ចំណុចផ្លូវបេតុង ក្រុមទី៨ ភូមិទួលសងែ្ក សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។
លោក ហ៊ាង ថារ៉េត អធិការនគរបាលខណ្ឌឫស្សីកែវ បានអោយដឹងថា ជនសង្ស័យឈ្មោះ សារ៉ាយ រស្មី អាយុ២៤ឆ្នាំ មានទីលំនៅបន្ទប់ជួល ក្រុម៥ ភូមិទួលសងែ្ក សង្កាត់ទួលសង្កែទី១ ខណ្ឌឬស្សីកែវ មុខរបរ មិនពិតប្រាកដ។
លោក ហ៊ាង ថារ៉េត អធិការនគរបាលខណ្ឌឫស្សីកែវ បន្តថា ៖ សម្ភារៈដកហូតរួមមាន ៖ ក្រាមពណ៌សថ្លាសង្ស័យជាសារធាតុញៀនចំនួន ០៦កញ្ចប់។ទូរស័ព្ទ០១គ្រឿងម៉ាកOPPO (ចាស់) ពណ៌ខៀវ។ ប្រអប់ពណ៌សតូចសម្រាប់ដាក់គ្រឿនញៀនចំនួន០១។
ចំពោះមុខ កម្លាំងជំនាញខណ្ឌកំពុងចាត់ការតាមនីតិវិធីច្បាប់៕
ដោយ៖ ជ្រោយពេជ្រ
