សារព័ត៌មាន នគរវត្ត តែងតែនាំមុខគេជានិច្ច
អ្នកចាត់ការក្រុម Crystal Palace លោក Oliver Glasner បានបញ្ជាក់ថា ខ្សែការពារអង់គ្លេស Marc Guehi នឹងមិនចាកចេញពីក្លិបនៅថ្ងៃចុងក្រោយនៃការផ្ទេរកីឡាករនោះទេ។ ជាមួយគ្នានេះ Newcastle មានការដេញថ្លៃចំនួន៤ដងសម្រាប់កីឡាករវ័យ២៤ឆ្នាំរូបនេះបានបដិសេធ ដែលជាតម្លៃចុងក្រោយបំផុតរហូតដល់៦៥លានផោន។
Guehi នៅសល់កុងត្រា២ឆ្នាំទៀត ហើយលោក Glasner មានការស្ទាក់ស្ទើរក្នុងការបាត់បង់ខ្សែការពារម្នាក់ទៀត បន្ទាប់ពី Joachim Andersen ត្រូវបានលក់ទៅឱ្យ Fulham ក្នុងតម្លៃប្រហែល៣០លានផោន។
លោក Glasner បាននិយាយថា “វាមិនដែលសង្ស័យទេ សូមអបអរសាទរចំពោះប្រធានក្លិប Crystal Palace ដែលពួកគេមិនបានផ្តល់។ ជាពិសេសបន្ទាប់ពីការផ្ទេរ Joachim Andersen វាមានសារៈសំខាន់ខ្លាំងណាស់ដែល Marc នៅបន្ត។ យើងក៏សូមអរគុណដល់ Marc ផងដែរ យើងតែងតែស្និទ្ធស្នាល និងនិយាយគ្នាច្រើន។ ពាក្យចចាមអារ៉ាមទាំងអស់មិនមានឥទ្ធិពលលើការសម្តែង អារម្មណ៍របស់គាត់ និងវិជ្ជាជីវៈរបស់គាត់ទេ។ គាត់តែងតែប្រាប់ខ្ញុំថាគាត់មិនជំរុញឱ្យចាកចេញពី Crystal Palace ហើយសម្រាប់ខ្ញុំ នោះជារឿងសំខាន់បំផុត”។
ចំណែកក្លិប Southampton បានបញ្ចប់ការចុះហត្ថលេខានាំយកអ្នកចាំទី Arsenal សញ្ជាតិអង់គ្លេស Aaron Ramsdale ក្នុងតម្លៃ២៥លានផោន។
ក្លិប Southampton នឹងបង់ប្រាក់ដំបូង១៨លានផោនសម្រាប់អតីតអ្នកចាំទីរបស់ Sheffield United ជាមួយនឹងការបន្ថែមចំនួន៧លានផោនបន្ថែម។
កីឡាករវ័យ២៦ឆ្នាំរូបនេះបានចុះហត្ថលេខាលើកិច្ចសន្យារយៈពេល៤ឆ្នាំនៅកីឡដ្ឋាន St Mary’s ហើយក្លិបមានជម្រើសក្នុងការបន្តកិច្ចសន្យារបស់គាត់ដោយ១២ខែបន្ថែមទៀត។
Ramsdale បាននិយាយថា “ខ្ញុំពិតជារីករាយណាស់! របៀបដែលអ្នកចាត់ការចង់លេង របៀបដែលគាត់មាន ពេលខ្ញុំនិយាយជាមួយគាត់ គាត់ពិតជារីករាយខ្លាំងណាស់។ ខ្ញុំមិនដែលបានជួបគាត់ពីមុនមកទេ ប៉ុន្តែគាត់បានធ្វើឱ្យខ្ញុំមានអារម្មណ៍ថាកក់ក្តៅដែលជាអ្វីដែលខ្ញុំចង់បាន” ៕
ដោយ៖ ភារៈ (រូបភាព ៖ BBC Sport)
