សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានបេីករថយន្តម៉ាកmazda ពាក់ស្លាកលេខនគរបាលមួយគ្រឿងក្នុងល្បឿនលឿនហើយគេចពីម៉ូតូក៏ជ្រុលចង្កូតទៅបុកក្បាលនាគថ្មពុះចែកទ្រូងផ្លូវយ៉ាងពេញទំហឹងបណ្តាលឱ្យរថយន្តក្រឡាប់ផ្ងារជើងមួយចំហៀងរងការខូចខាតយ៉ាងដំណំ ។
ហេតុការណ៍នេះបានកេីតឡើងនៅវេលាម៉ោង២រំលងអធ្រាត្រឈានចូលថ្ងៃទី៣១ ខែសីហាឆ្នាំ២០២៤ នៅទល់មុខស្ថានទូតវៀតណាម ផ្លូវព្រះមុនីវង្ស សង្កាត់បឹងត្របែក ខណ្ឌចំការមន រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានឱ្យដឹងថា មុនពេលកេីតហេតុ គេបានឃើញបុរសម្នាក់បើករថយន្តម៉ាក mazdaBT50 ពាក់ស្លាកលេខ នគរបាល 2.7022 តាមបណ្ដោយផ្លូវព្រះមុនីវង្សក្នុងទិសដៅពីជេីងទៅត្បូងក្នុងល្បឿនលឿនលុះមកដល់ចំនុចកេីតហេតុ ក៏ស្រាប់តែជ្រុលទៅបុកក្បាលនាគថ្មពុះចែកទ្រូងផ្លូវបណ្ដាលឱ្យរថយន្តក្រឡាប់ផ្ងារជើងមួយចំហៀងរងការខូចខាតយ៉ាងដំណំ តែសំណាងល្អក្នុងហេតុការណ៍នេះមិនមានគ្រោះថ្នាក់ដល់អ្នកបេីកបរឡើយ។
ក្រោយពេលកេីតហេតុ រថយន្ដត្រូវសមត្ថកិច្ចមូលដ្ឋានប្រគល់អោយជំនាញចរាចរណ៍ក្រុងស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោករង់ចាំដោះស្រាយនាពេលក្រោយ ៕
ដោយ៖ សុខាសែនជ័យ
