សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ ៖ នៅល្ងាចថ្ងៃទី១៦ ខែកញ្ញា ឆ្នាំ២០២៤ ស្នងការដ្ឋាននគរបាលខេត្តក្រចេះ សូមជម្រាបជូនសាធារណៈជនឱ្យបានជ្រាបថា កាលពីពេលថ្មីៗនេះ កម្លាំងនគរបាលជំនាញព្រហ្មទណ្ឌ ក្រោមការដឹកនាំសម្របសម្រួលនិតិវិធី ពីតំណាងអយ្យការអមសាលាដំបូងខេត្តក្រចេះ បានចុះធ្វើការបង្ក្រាបទីតាំងបញ្ចាំ ជួសជុល កែច្នៃ ទិញលក់ (ម៉ូតូ-រថយន្ដ) គ្មានច្បាប់នៅតាមបណ្តាក្រុង -ស្រុកមួយចំនួន។ ជាមួយគ្នានោះក៏បានដកហូតនូវម៉ូតូសុរបចំនួន២០៤គ្រឿង និងរថយន្ដ០១គ្រឿង ផងដែរ។
អាស្រ័យដូចបានជម្រាបជូនខាងលើនេះ ស្នងការដ្ឋាន សូមជូនដំណឹងដល់បងប្អូនប្រជាពលរដ្ឋដែលធ្លាប់មានការបាត់បង់ម៉ូតូ ឬរថយន្ដសូមមកធ្វើការត្រួតពិនិត្យ នៅអធិការដ្ឋាននគរបាលក្រុង-ស្រុក ទាំង០៤ រួមមាន៖ ក្រុងក្រចេះ, ស្រុកស្នួល, ស្រុកអូរគ្រៀងសែនជ័យ និងស្រុកព្រែកប្រសព្វ ដោយភ្ជាប់មកជាមួយនូវឯកសារពាក់ព័ន្ធ នៅរៀងរាល់ម៉ោងធ្វើការ ៕
ដោយ ៖ សិលា
