ព័ត៌មានទាន់ហេតុការណ៍៖

Leverkusen ទិញតារាបាល់ទាត់អូទ្រីស ខណៈខ្សែប្រយុទ្ធ Javier Hernandez សម្រាក២សប្តាហ៍

ចែករំលែក៖

ក្លិបបាល់ទាត់ Bayer Leverkusen នៅ ក្នុងក្របខ័ណ្ឌអាល្លឺម៉ង់ Bundesliga បាន ចុះហត្ថលេខាទិញខ្សែការពារអន្តរជាតិ អូទ្រីស Aleksandar Dragovic ពីក្លិប Dynamo Kiev ពីប្រទេសអ៊ុយក្រែន។

តារាបាល់ទាត់សញ្ជាតិអូទ្រីស Aleksandar Dragovic បានចុះកិច្ចសន្យាលេង ឲ្យក្រុម Bayer Leverkusen រយៈពេល៥ឆ្នាំ ក្នុងតម្លៃខ្លួន២០លានអឺរ៉ូ ។ កីឡាករវ័យ ២៥ឆ្នាំនេះបាននិយាយថា “អ្វីដែលនាំខ្ញុំឲ្យមកកាន់ប្រទេសអាល្លឺម៉ង់នេះគឺមានឱកាសលេងនៅក្នុងកម្មវិធី Champions League ហើយ ពិសេសទៀតគឺបានលេងជាមួយ នឹងមិត្តរួមជាតិកីឡាករ Julian Baumgartlinger និង Ramazan Ozcan” ។

ចំណែកឯខ្សែប្រយុទ្ធអន្តរជាតិមិចស៊ីកូJavier Hernandez នឹងត្រូវអវត្តមានក្នុងការប្រកួតបើកឆាកក្នុងក្របខ័ណ្ឌកំពូលរបស់អាល្លឺម៉ង់ដោយសារតែរូបគាត់រងរបួសដៃពេលធ្លាក់ពីលើជណ្ដើរ។ ខ្សែប្រយុទ្ធនេះនឹង អវត្តមានរហូតដល់ទៅ២សប្តាហ៍ហើយ ប្រធានក្រុម Lars Bender ក៏ពុំអាចចូលលេង បានដែរពេលក្លិប Bayer Leverkusen ធ្វើ ដំណើរទៅផ្ទះរបស់ក្លិប Borussia Monch-engladbach នៅថ្ងៃសៅរ៍នេះ ៕

កីឡាករ Aleksandar Dragovic

កីឡាករ Aleksandar Dragovic

សូមអានបន្ត ៖ មជ្ឈមណ្ឌលជាតិនៃជនពិការកម្ពុជាទទួលបានវ៉ែនតាចំនួន២.០០០គ្រឿងពីសប្បុរសជន


ចែករំលែក៖