សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ ស្នងការដ្ឋាននគរបាលខេត្តបាត់ដំបង នៅព្រឹកថ្ងៃពុធទី៣១ ខែធ្នូ ឆ្នាំ២០២៤នេះ បានឱ្យដឹងថា ក្មេងទំនើង០៥នាក់ ត្រូវបានកម្លាំងសមត្ថកិច្ចជំនាញផ្នែកយុត្តិធម៌ ចុះស្រាវជ្រាវ និងឃាត់ខ្លួនពាក់ព័ន្ធករណីហិង្សាដោយចេតនា នៅក្រុងបាត់ដំបង យកមកសាកសួររហូតបញ្ចប់នីតិវិធី និងបង្ហាញមុខជាសាធារណៈ មុននិងបញ្ជូនខ្លួនទៅសាលាដំបូងខេត្ត ដើម្បីចាត់ការតាមច្បាប់។
ប្រភពដដែលបន្តថា មានករណីហិង្សាដោយចេតនាមានស្ថានទម្ងន់ទោស មួយកើតឡើងនៅថ្ងៃទី២៩ ខែធ្នូ ឆ្នាំ២០២៤ វេលាម៉ោង០៣និង៣០នាទី ត្រង់ចំណុចក្រុមទី០២ ភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង ទៅលើជនរងគ្រោះឈ្មោះ អឹង លីហួរ ភេទប្រុស អាយុ២២ឆ្នាំ មានទីលំនៅភូមិរំចេក៣ សង្កាត់រតនៈ ក្រុងបាត់ដំបង ខេត្តបាត់ដំបង បណ្តាលអោយរលាត់ស្បែកចេញឈាម លើប្រអប់ជើង ខាងស្ដាំ, ហើមកូនដៃ ខាងស្ដាំ និងស្នាមជាំក្រហមត្រង់ភ្នែក ខាងស្ដាំ ។
ក្រោយពីបានទទួលបណ្ដឹងពីជនរងគ្រោះ កម្លាំងផ្នែកជំនាញព្រហ្មទណ្ឌ័ នៃអធិការដ្ឋាននគរបាលក្រុងបាត់ដំបង ដឹកនាំដោយលោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង បានចុះធ្វើការស៊ើបអង្កេតស្រាវជ្រាវ រហូតវេលាម៉ោង១៦និង៣០នាទី ថ្ងៃខែឆ្នាំដដែល សមត្ថកិច្ចបានកំណត់អត្តសញ្ញាណឈានដល់ធ្វើការឃាត់ខ្លួនក្មេងទំនេីងចំនួន០៥នាក់៖
១-ឈ្មោះ កែវ គឹមសៀង ភេទប្រុស អាយុ២៤ឆ្នាំ មានទីលំនៅភូមិអង់ សង្កាត់អូរចារ ក្រុងបាត់ដំបង ខេត្តបាត់ដំបង។
២-ឈ្មោះ ប៊ុត ប៉ុនហេង ភេទប្រុស អាយុ២៤ឆ្នាំ មានទីលំនៅភូមិជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង ។
៣-ឈ្មោះ ស៊ីវ ស៊ីធីប ភេទប្រុស អាយុ២៦ឆ្នាំ មានទីលំនៅភូមិគង់ទុំ ឃុំពាមឯក ស្រុកឯកភ្នំ ខេត្តបាត់ដំបង ។
៤-ឈ្មោះ តាំង បូហេង ភេទប្រុស អាយុ២១ឆ្នាំ មានទីលំនៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។
៥-ឈ្មោះ ញ៉ែម ប៊ុនហួន ភេទប្រុស អាយុ២០ឆ្នាំ មានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង មកកាន់អធិការដ្ឋាននគរបាលក្រុងបាត់ដំបងដើម្បីធ្វើការសាកសួរ ។
ក្រោយពីសាកសួរជនសង្ស័យខាងលើបានសារភាពថា ពួកខ្លួនពិតជាបានធ្វេីសកម្មភាពវាយ និងយកមួកសុវត្ថិភាពវាយទៅលេីជនរងគ្រោះ ពិតប្រាកដមែន ។ មូលហេតុ៖ មកពីទាស់សម្ដីគ្នានៅក្លឹប (អូរវេីថាម ) ។
បច្ចុប្បន្ន ជនសង្ស័យខាងលេីត្រូវសមត្ថកិច្ចជំនាញ ត្រៀមបញ្ជូនខ្លួនបញ្ជូនទៅតុលាការខេត្ត ដើម្បីចាត់ការបន្តតាមនីតិវិធី៕
ដោយ៖ តារា
