ណាហ្គាវើលដ៍ បើកទំព័រឆ្នាំថ្មី២០២៥​ ជាមួយការការផ្តល់ជូនដ៏អស្ចារ្យ

ភ្នំពេញ៖ នៅរាត្រីថ្ងៃទី៣១ ខែធ្នូ មានមនុស្សរាប់ម៉ឺននាក់បានប្រមូលផ្តុំគ្នានៅសួនច្បារសម្តេចតេជោ ហ៊ុន សែន ដើម្បីទស្សនាការប្រគំតន្ត្រីឆ្លងឆ្នាំដ៏អស្ចារ្យដែលរៀបចំឡើងដោយណាហ្គាវើលដ៍ដែលមានការចូលរួមសម្តែងដោយកំពូលតារាចម្រៀង កញ្ញា ពេជ្រ សោភា ក្មេងខ្មែរ លោកព្រីន និងលោក វីនទ្រែប រួមជាមួយពិធីករ-ពិធីការិនី លោកយូហាន និងកញ្ញាវីវៀន ដែលក្នុងអំឡុងពេលស្វាគមន៍ឆ្នាំថ្មី២០២៥ នេះ ណាហ្គាវើលដ៍ក៏មានការបាញ់កាំជ្រួចយ៉ាងភ្លឺចែងចាំងទៅលើអាកាសផងដែរ។

ចំណែកនៅក្នុងអគារណាហ្គាវើលដ៍ ភោជនីយដ្ឋានជាច្រើនរបស់ណាហ្គាវើលដ៍រួមទាំងភោជនីយដ្ឋាន 2Pangea មានបម្រើជូនអាហារប៊ុហ្វេសុភមង្គល ខណៈភោជនីយដ្ឋានជប៉ុន (The Teppanyaki) ភោជនីយដ្ឋានអ៊ីតាលី (Bistro Romano) និងភោជនីយដ្ឋានបារាំង (Le Gourmet) មានបម្រើជូនអាហារឈុតបែបប្រណីតដែលបានទាក់ទាញអតិថិជនយ៉ាងច្រើន។ ចំណែកឯក្លឹបកម្សាន្តដាលីន ដាលីន ក៏មានភ្ញៀវជាច្រើនចូលរួមរាប់ថយក្រោយស្វាគមន៍ឆ្នាំថ្មីផងដែរ។

នៅពេលពាក់កណ្តាលអធ្រាត្រមកដល់ កំពូលតារាចម្រៀង និងទស្សនិកទាំងអស់បានហ៊ោអបអរឆ្នាំថ្មីអមជាមួយការបាញ់កាំជ្រួចស្វាគមន៍ឆ្នាំថ្មី២០២៥ រយៈពេល ១០ នាទីដ៏ស្រស់ស្អាតទៅក្នុងអាកាសនៅមុខណាហ្គាវើលដ៍ទាំងពីរ។

គួរបញ្ជាក់ផងដែរថា ណាហ្គាវើលដ៍ នឹងផ្តល់ជូននូវបទពិសោធន៍ថ្មីៗជាច្រើនទៀតខណៈមណ្ឌលកម្សាន្តប្រណីតនេះនឹងរៀបចំខួបលើកទី៣០ របស់ខ្លួននៅក្នុងឆ្នាំ២០២៥ ។ សម្រាប់ព័ត៌មានបន្ថែម សូមចូលទៅកាន់គេហទំព័រ www.nagaworld.com ទំព័រហ្វេសប៊ុក ឬអ៊ីនស្តាក្រាមរបស់ណាហ្គាវើលដ៍៕ដោយ​៖តារា​ 

តន្ត្រីឆ្លងឆ្នាំណាហ្គាវើលដ៍ ចូលរួមសម្តែងដោយតារាចម្រៀងល្បីៗ និងមានការបាញ់កាំជ្រួចស្វាគមន៍ឆ្នាំថ្មីដ៏ស្រស់ស្អាតទៅក្នុងអាកាសការប្រគំតន្ត្រីផ្ទាល់នេះ ចូលរួមសម្តែងដោយកញ្ញា ពេជ្រ សោភា ក្មេងខ្មែរ ព្រីន និងវីនទ្រែប

មនុស្សជាងមួយម៉ឺននាក់ បានប្រមូលផ្តុំគ្នាស្វាគមន៍ឆ្នាំថ្មី២០២៥ នៅមុខណាហ្គាវើលដ៍

កំពូលតារាចម្រៀងជាច្រើន បានចូលរួមសម្តែងក្នុងតន្ត្រីឆ្លងឆ្នាំដែលត្រូវបានបញ្ចាំងនៅលើផ្ទាំងអិលអ៊ីឌីដ៏ធំរបស់ណាហ្គាវើលដ៍

អតិថិជនជាច្រើន កំពុងរីករាយជាមួយការទទួលទាននៅភោជនីយដ្ឋានប្រណីតរបស់ណាហ្គាវើលដ៍

ភ្ញៀវនៅក្លឹបដាលីនដាលីន រាំលេងកម្សាន្តក្នុងការប្រគំតន្ត្រីផ្ទាល់ដោយក្រុម The Orient
និងស្វាគមន៍ឆ្នាំថ្មី២០២៥ ក្នុងបរិយាកាសយ៉ាងរីករាយ