សារព័ត៌មាន នគរវត្ត តែងតែនាំមុខគេជានិច្ច
ទិន្នន័យផ្លូវការបានបង្ហាញកាលពីថ្ងៃព្រហស្បតិ៍ថា ឧស្សាហកម្មផ្សាយពាណិជ្ជកម្មរបស់ប្រទេសចិនបានកត់ត្រាកំណើនដ៏រឹងមាំ 17.9 ភាគរយក្នុងឆ្នាំ 2024 ជាមួយនឹងប្រាក់ចំណូលសរុបលើសពី 1.5 ពាន់ពាន់លានយន់ (ប្រហែល 208.1 ពាន់លានដុល្លារ)។
ក្នុងចំណោមការផ្សាយពាណិជ្ជកម្មគ្រប់ទំរង់ រួមទាំងទូរទស្សន៍ ភាពយន្ត វិទ្យុ កាសែត និងផ្សេងៗទៀត ការផ្សាយពាណិជ្ជកម្មតាមអ៊ីនធឺណិតបានឈានមុខគេជាមួយនឹងការរីកចម្រើនយ៉ាងខ្លាំង ដោយមានចំណែកច្រើននៃប្រាក់ចំណូលសរុប។
ប្រាក់ចំណូលពីការផ្សាយពាណិជ្ជកម្មតាមអ៊ីនធឺណិតបានឈានដល់ 891.91 ពាន់លានយន់ក្នុងឆ្នាំ 2024 កើនឡើង 24 ភាគរយពីមួយឆ្នាំទៅមួយឆ្នាំ។ តួលេខនេះមានចំនួន 86.5 ភាគរយនៃប្រាក់ចំណូលផ្សាយពាណិជ្ជកម្មគ្រប់ទំរង់នៃប្រព័ន្ធផ្សព្វផ្សាយទាំងអស់ នេះបើយោងតាមទិន្នន័យដែលចេញផ្សាយដោយរដ្ឋបាលរដ្ឋសម្រាប់បទបញ្ជាទីផ្សារ ដែលជានិយតករទីផ្សារកំពូលរបស់ប្រទេសចិន។
បើយោងតាមនិយតករ ដោយមើលឃើញពីទំនាក់ទំនងដ៏រឹងមាំរវាងឧស្សាហកម្មផ្សាយពាណិជ្ជកម្ម និងសេដ្ឋកិច្ចជាក់ស្តែង តំបន់ជាង 10 ថ្នាក់ខេត្តក្នុងប្រទេសចិនបានបែងចែកថវិកាជាង 10 ពាន់លានយន់កាលពីឆ្នាំមុន ដើម្បីគាំទ្រដល់អាជីវកម្ម និងកសិករក្នុងការកសាងម៉ាកយីហោរបស់ពួកគេ ហើយគំនិតផ្តួចផ្តើមនេះបានរួមចំណែកដល់កំណើននៃការប្រើប្រាស់ក្នុងស្រុក ៕
ដោយ៖ ភារៈ
លោកបណ្ឌិត ជា ចំរេីន ធ្វើដល់ទៅនាយកសាលារៀន” ជីអូ “អន្តរជាតិ បែរជាមានចារិកទុច្ចរិត បោកប្រាស់ គេចវេស មិនព្រមបង់ប្រាក់ទៅឱ្យម្ចាស់បុរី គឹម ធី២
