សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកឧបនាយករដ្ឋមន្ត្រី ទៀ សីហា រដ្ឋមន្ត្រីការពារជាតិកម្ពុជា បានបង្ហាញការមិនពេញចិត្តចំពោះសារព័ត៌មានថៃមួយចំនួន ទាំងផ្លូវការ និងមិនផ្លូវការ ដែលបានយកលិខិតផ្លូវការរបស់កម្ពុជា ផ្ញើជូនរដ្ឋមន្ត្រីក្រសួងការពារជាតិថៃ ទៅផ្សព្វផ្សាយក្នុងលក្ខណៈដូចជាលិខិតបែកធ្លាយ និងបកស្រាយខ្លឹមសារដោយមិនស្របតាមអត្ថន័យពិតប្រាកដ។
រដ្ឋមន្ត្រីការពារជាតិកម្ពុជា បានថ្លែងតាមរយៈបណ្តាញសង្គមផ្លូវការថា៖ “សារព័ត៌មានថៃមួយចំនួន ទាំងផ្លូវការ និងមិនផ្លូវ បានយកលិខិតផ្លូវការ (ផ្ញើជូនរដ្ឋមន្ត្រីការពារជាតិថៃ) ទៅបង្ហោះសម្តែងដូចជាការបែកធ្លាយ។
បន្ថែមពីនេះ ប្រមុខការពារជាតិកម្ពុជា បានគូសបញ្ជាក់ថា តែសម័យនេះហើយ មានទាំងGoogle Translate, ទាំងChatGPT ព្រមទាំង Gemini ដែលអាចបកប្រែភាសាអង់គ្លេសបាន តែអត្ថន័យដូចមិនមានខ្លឹមសារដូចដែរខាងសារព័ត៌មានថៃបានយកទៅផ្សាយជូនប្រជាជនថៃ បានជ្រាបពិតប្រាកដសោះ។ ខ្ញុំឆ្ងល់ឡើងលែងឆ្ងល់ហើយ”៕
ដោយ៖តារា
