សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ទំនងជាងងុយដេក រឺស្រវឹងបានបេីករងយន្ត TOYOTA Prius ក្នុងល្បឿនលឿនរេចង្កូតទៅបុកខឿនពុះចែកផ្លូវបណ្តាលឲ្យរងការខូចខាតរថយន្តក្រឡាប់ផ្ងាជេីង បង្កការភ្ញាក់ផ្អេីលកាលពីវេលាម៉ោង៣:៤០នាទីទៀបភ្លឺ ថ្ងៃទី០៣ ខែកុម្ភៈ ឆ្នាំ២០២៦ ស្ថិតតាមបណ្ដោយផ្លូវវេងស្រេង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញបុរសម្នាក់បេីករថយន្ដ TOYOTA Prius ពាក់ផ្លាកលេខ ភ្នំពេញ 2BL-0825 ធ្វេីដំណេីរតាមបណ្តោយផ្លូវចោមចៅ ក្នុងល្បឿនលឿនលុះមកដល់ចំណុចកេីតហេតុក៏បានរ៉េចង្កូតបុកខឿនពុះចែកផ្លូវរួចបន្តទៅបុកបង្គោលផ្លាកប៉ាណូពានិជ្ជកម្មបណ្ដាលឲ្យបាក់រលំចំនួនមួយដេីម ចំណែកឯរថយន្តក្រឡាប់ផ្ងារជេីង។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកធ្វេីការវាស់វែងយករថយន្ដទៅរក្សាទុករង់ចាំការដោះស្រាយនៅពេលក្រោយ៕ដោយ៖សុខាសែនជ័យ
