សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ភោជនីដ្ឋានយីហោឫស្សីស្រស់មួយកន្លែងស្ថិតនៅតាមបណ្តោយផ្លូវជាតិលេខ១ ក្នុងសង្កាត់និរោធ ខណ្ឌច្បារអំពៅ ត្រូវបានកម្លាំងនាយកដ្ឋានប្រឆាំងការជួញដូរមនុស្ស និងការពារអនិតិជន សហការជាមួយកម្លាំងព្រហ្មទ័ណ្ឌខណ្ឌច្បារអំពៅ ចុះឡោមព័ទ្ធនិងឃាត់ខ្លួនមនុស្សប្រុសស្រីបានជាច្រើននាក់រួមទាំងវត្ថុតាងជាច្រេីន កាលពីវេលាម៉ោង១០និង៣០នាទីយប់ថ្ងៃទី២៣ ខែមេសា ឆ្នាំ២០២៦ ។
តាមប្រភពពីកម្លាំងសមត្ថកិច្ចជំនាញបានអោយដឹងថា ដោយទីតាំងហាងខាងលើនេះមានការចុះស៊ើបអង្កេតជាក់ស្តែងពីអង្គការមួយកន្លែង ក្រោយមកក៏បានរាយការណ៍ទៅកម្លាំងនាយកដ្ឋានប្រឆាំងការជួញដូរមនុស្សនិងកាពារអានិតិជនបានចុះមកធ្វើការបង្រ្កាបជាក់ស្តែងតែម្តង។
បន្ទាប់ពីកម្លាំងជំនាញប្រតិបត្តិការបង្រ្កាបទីតាំងហាងយីហោឫស្សីស្រស់ចប់ឃើញថា មានការឃាត់ខ្លួនម្ចាស់ទីតាំងនិងបុគ្គលិកនារីៗរួមទាំងអ្នកពាក់ព័ន្ធបំរើការក្នុងហាងបូករួមទាំងវត្ថុតាងមួយចំនួនធំបញ្ជូនតាមរថយន្តយកទៅអគ្គស្នងការនគរបាតជាតិដើម្បីធ្វើការសួរនាំ និងចាត់ការបន្តតាមនីតិវិធីច្បាប់ ។ ឯអ្នកមិនពាក់ព័ន្ធសមត្ថកិច្ចក៏បញ្ជូនឲ្យត្រឡប់ទៅផ្ទះវិញផងដែរ៕ ដោយ ៖ ភារ៉ា ដង្កោ
