មេដឹកនាំក្រុមអាវក្រហមថៃដែលចោទប្រកាន់ប៉ុនប៉ងធ្វើឃាតនាយករដ្ឋមន្ត្រីប្រឈមនឹងការចាប់ខ្លួនបញ្ជូនពីប្រទេសឡាវ

រដ្ឋាភិបាលថៃបានប្ដេជ្ញាស្វែងរកចាប់ខ្លួនមេដឹកនាំស្នូលនៃក្រុមអាវក្រហមលោក Wuthipong Kochathamakun ដែលមានឈ្មោះហៅក្រៅថាកូទីពី ប្រទេស ឡាវមកវិញ ក្រោយពីសមត្ថកិច្ចបានរកឃើញអាវុធជាច្រើននៅក្នុងផ្ទះមួយកន្លែងនាតំបន់ផាធុម ថានី ដោយជឿជាក់ថា អាវុធទាំងនោះនឹងត្រូវបានប្រើប្រាស់ប្រឆាំងនឹង អាជ្ញាធរ និងធ្វើឃាតនាយករដ្ឋមន្រ្តី។

សារព័ត៌មាន បាងកកប៉ុស្ដិ៍បានឲ្យដឹង​ ថា ប្រទេសថៃ បានស្នើជាថ្មីម្ដងទៀតទៅ កាន់ ភាគីឡាវ (ការធ្វើបត្យាប័ន) សម្រាប់ការចាប់ខ្លួនមេចលនាក្រុមអាវក្រហមលោក Wuthipong Kochathamakun ហៅក្រៅថា កូទី ដែលត្រូវបានគេជឿ ជាក់ថា បានលាក់ទុកអាវុធនៅក្នុងផ្ទះមួយកន្លែងនៅផាធុមថានី ដើម្បីបង្កអស្ថិរភាព​នយោបាយ និងឈានដល់ការធ្វើ ឃាត នាយករដ្ឋមន្រ្តី។

មូលហេតុដែលបណ្ដាលឲ្យមេចលនា ក្រុមអាវក្រហមភៀសខ្លួនទៅកាន់ប្រទេសឡាវគឺ បន្ទាប់ពីផែនការលាក់ទុកអាវុធត្រូវបានបែកធ្លាយ និងត្រូវបានសមត្ថកិច្ច បង្ក្រាប ដោយអះអាងថា នោះទំនងជាការរៀបចំរបស់ក្រុមអាវក្រហម ពីព្រោះអាវុធទាំងនោះត្រូវបានសមត្ថកិច្ចរឹបអូសពីផ្ទះនៅតំបន់ផាធុម ថានី ដែលជាប់ពាក់ព័ន្ធនឹង មេដឹកនាំក្រុមអាវក្រហមលោក Wuthipong KochthamaKun ដែលមាន ឈ្មោះ ហៅក្រៅថា កូទី។

យោងតាមការលើកឡើងរបស់ មេបញ្ជា ការ ប៉ូលិសជាតិលោក Chakthip Chaijinda បានឲ្យដឹងថា អាវុធដែលត្រូវបានរឹបអូស មួយចំនួន គឺយកមកពីកងកម្លាំងយោធា ក្នុងអំឡុងពេលនៃការធ្វើបាតុកម្មហិង្សា របស់ក្រុមអ្នកនយោបាយអាវក្រហម នៅ ក្នុងទីក្រុងបាងកក កាលពីឆ្នាំ២០១០៕ ម៉ែវ សាធី