សេះបង្កងកក់សំបុត្រទៅលេងវគ្គផ្តាច់ព្រ័ត្រ Champions League

ក្លិបសេះបង្កង Juventusបានឆ្លងទៅលេងវគ្គផ្តាច់ព្រ័ត្រ នៃកម្មវិធី ពានរង្វាន់ធំទ្វីបអឺរ៉ុប Champions League ហើយក្រោយផ្តួលក្លិបបារាំង Monaco ២-១ ក្នុងជើងទី២វគ្គពាក់ កណ្តាលផ្តាច់ព្រ័ត្រកាលពីរំលងអធ្រាត្រឈានចូលថ្ងៃទី១០ ខែឧសភា។

ក្នុងនាមជាម្ចាស់ផ្ទះហើយថែមទាំង បាននាំមុខមុន 2-0 រួចហើយនៅជើងទីមួយនោះ ក្រុមJuventusបានលេងឲ្យមានទំនុកចិត្តបំផុតដោយអាចនាំមុខ ២គ្រាប់មុន ដោយកីឡាករMandzukicនៅនាទីទី៣៣ និងខ្សែការពារប្រេស៊ីលDani Alvesនៅនាទីទី៤៤។

ចំណែកនៅក្នុងតង់ទី២ ក្រុមភ្ញៀវរកបានមួយគ្រាប់លួងចិត្តអ្នកគាំទ្រវិញ ជាការស៊ុតបញ្ចូលទីរបស់ Mbappe នៅនាទីទី៦៩ ហើយនេះជាគ្រាប់បាល់ទី១៥០របស់ Monaco រដូវកាលនេះគិតលើគ្រប់កម្មវិធីទាំងអស់។

យ៉ាងណាក៏ដោយគ្រាប់បាល់នោះធ្វើឲ្យយុវជនបារាំង Mbappe ក្លាយជាកីឡាករវ័យក្មេងបំផុតអាចស៊ុតបញ្ចូលទីវគ្គពាក់កណ្ដាលផ្ដាច់ព្រ័ត្រ Champions League នៅអាយុ១៨ឆ្នាំ និង១៤០ថ្ងៃ។ កំណត់ត្រានេះកាលពីមុនកាន់ដោយ Obafemi Martins ដែលកីឡាករសញ្ជាតិនីហ្សេរីយ៉ាស៊ុតបញ្ចូលទី AC Milan ក្នុងឆ្នាំ២០០៣ នៅអាយុ១៨ឆ្នាំ និង១៩៧ថ្ងៃ ។

គ្រាប់បាល់ Mbappe ក៏បញ្ចប់កំណត់ត្រាទប់មិនឲ្យគូប្រកួតស៊ុត បញ្ចូលទីរយ:ពេល៦៨៩នាទី របស់ Juventus ផងដែរ ។ វាជាការទប់មិនឲ្យរបូតគ្រាប់បាល់បានយូរបំផុតទីពីរក្នុងប្រវត្តិសាស្ត្រ Champions League។

ខាងក្រោមនេះគឺជាលទ្ធផលនៃការប្រកួតបាល់ទាត់កាលពីថ្ងៃទី១០ ខែឧសភា ឆ្នាំ២០១៧៖