ទោះបីសល់គ្នាតែ១០នាក់ ក៏មាន់គកអាចយកឈ្នះតោកំណាចបានដែរ

ក្រុមមាន់គកបារាំងបានបំបាក់ក្រុមតោកំណាចអង់គ្លេស ដោយលទ្ធផល៣-២ ក្នុង​​ការប្រកួត​មិត្តភាព​អន្តរជាតិ​នៅ​ទីក្រុង​ប៉ារីសបើទោះបីជាម្ចាស់ផ្ទះសល់គ្នាតែ១០ក៏ដោយ។

តោកំណាចអង់គ្លេសមានឱកាសនាំមុខម្ចាស់ផ្ទះមុនដោយ ខ្សែប្រយុទ្ធ Harry Kaneនៅនាទីទី៩។ ​តែកីឡាករ ​ Umtiti តា​ម​​ស្មើ​​វិញមុ​នកីឡាករ​​ Djibril Sidibe​ ជួយ​​ឲ្យបា​រាំង​នាំមុ​ខ​​នៅមុន​​ចប់​តង់​ទី​មួយ។​

ចូល​ដល់​តង់ទី​ពីរ​បាន​ ជាង​មួយ​នាទី​ ខ្សែ​ការពារ​ Varane របស់ Real Madrid ទទួលបាន​កាត​ក្រហម​ក្រោយពី​ធ្វើ​ឲ្យ​ Alli ដួល​ក្នុង​ប្រអប់​គ្រោះ​ថ្នាក់​ហើយ Kane ដដែល​បាន​ស៊ុតបាល់​ប៉េណាល់ទី​ឲ្យ​អង់គ្លេស​ស្មើ​គ្នា​ ២-២។ ទោះ​សល់​គ្នា​តែ​១០​នាក់​ បារាំង​នៅ​តែ​លេង​ដោយ​ទំនុក​ចិត្ត​ហើយ​នៅនាទីទី​៧៨​ពួក​គេ​ស៊ុត​បាល់នាំ​មុខ​ក្រុម​តោ​កំណាច​សារ​ជា​ថ្មី​សម្រេច​បាន​ដោយ ខ្សែ​ប្រយុទ្ធ​វ័យ​ក្មេងDembélé។ ចប់​ការ​ប្រកួត​ បារាំង​ ៣-២​ អង់គ្លេស។

គួរបញ្ជាក់ថា នៅក្នុងការប្រកួតនោះ អាជ្ញាកណ្តាលវីដេអូត្រូវបានយកមក ប្រើប្រាស់ជាលើកដំបូង ។

ខាងក្រោមនេះគឺជាលទ្ធផលនៃការប្រកួតបាល់ទាត់កាលពីថ្ងៃទី១៣ ខែមិថុនា ឆ្នាំ២០១៧៖