សារព័ត៌មាន នគរវត្ត តែងតែនាំមុខគេជានិច្ច
នៅឆមាសទី១ឆ្នាំ២០១៧ សេដ្ឋកិច្ច ចិន មិនមានការរីកចម្រើនដូចការរំពឹងទុកនោះទេ ដោយទុកឲ្យប្រទេសដែលមានសេដ្ឋកិច្ចលំដាប់ទី២នៅតំបន់អាស៊ីគឺជប៉ុន មានកំណើនដល់ទៅ៤ភាគរយនៅឆមាស ទីមួយ។
សារព័ត៌មាន China mail នៅថ្ងៃទី១៧ ខែសីហា ឆ្នាំ២០១៧បាន ដកស្រង់សម្តី ក្រុមអ្នកជំនាញមកបញ្ជាក់ថា សេដ្ឋកិច្ច ចិនត្រូវបានគេរំពឹងថា នឹងរីកចម្រើន នៅ ឆមាសទី២។ ដោយសារកិច្ចខិតខំប្រឹងប្រែង បន្ត ដើម្បីលើកកម្ពស់ការផ្លាស់ប្តូរសេដ្ឋកិច្ច និងជួយទ្រទ្រង់សេដ្ឋកិច្ច ដូចដែលវាបាន បញ្ចប់ សេដ្ឋកិច្ចរបស់ប្រទេសចិនបាននាំ មុខក្នុងត្រីមាសទី២ ជាមួយនឹងកំណើន GDP ៦,៩ ភាគរយ ដែលបានយកឈ្នះ លើការរំពឹងទុករបស់ទីផ្សារ និងការព្យាករ ពីស្ថាប័នមុនៗ។
លោក Hu Angang នាយកមជ្ឈមណ្ឌល សិក្សាចិន នៃសាកលវិទ្យាល័យសានហួ បាននិយាយថា “ភាពធន់នៃសេដ្ឋកិច្ច អាចត្រូវបានគេមើលឃើញ ដោយសារ អត្រាកំណើនខ្ពស់ ចាប់តាំងពីវិបត្តិហិ រញ្ញវត្ថុ កាលពីឆ្នាំ២០០៨មក ប៉ុន្ដែឥឡូវ នេះ វាមានច្រើនទៀតដើម្បីប្រាប់ពីចំនួន នៃកំណើនលូតលាស់”។ យើងបានធ្វើឲ្យ មានការរីកចម្រើន ឥតឈប់ឈរ ពីគំរូ ផលិតកម្មចាស់ ទៅជាគំរូដឹកនាំដោយ សេវាកម្ម “។
មូលនិធិរូបិយវត្ថុអន្ដរជាតិបានបង្កើនការព្យាករ កំណើនសេដ្ឋកិច្ចជាមធ្យម ប្រចាំឆ្នាំ២០១៨-២០២០ មក៦,៤ ភាគ រយពី ៦,០ ភាគរយដោយព្យាករថា ប្រទេសចិន នឹងមើលឃើញកំណើនសេដ្ឋកិច្ចដ៏រឹងមាំ ដែលជាផ្លូវសម្រាប់អ្នកបង្កើតគោលនយោបាយ ដើម្បីពន្លឿនកំណែ ទម្រង់ចាំបាច់ ដែលផ្តោតលើកំណើន គុណភាព៕ ម៉ែវ សាធី
