សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅរសៀលថ្ងៃសុក្រ ៩កើត ខែអសុជ្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២៩ ខែកញ្ញា ឆ្នាំ២០១៧ បញ្ជាការដ្ឋានកងរាជអាវុធហត្ថលើផ្ទៃប្រទេស បានប្រារព្ធពិធីក្រុងពាលី និងធ្វើបទនមស្ការ សមាទានសីល និមន្តព្រះសង្ឃចម្រើនព្រះបរិត្ត និងសម្តែងធម៌ទេសនា ក្នុងពិធីបុណ្យផ្កាសាមគ្គី ដើម្បីប្រមូលបច្ច័យទៅកសាងបន្តនូវសមិទ្ធផលផ្សេងៗ នៅក្នុងស្រុករមាសហែក ខេត្តស្វាយរៀង។
សូមជម្រាបថា ពិធីបុណ្យដែលផ្តួចផ្តើមដោយ លោក នាយឧត្ដមសេនីយ៍ សៅ សុខា និងលោកស្រី ព្រមទាំង លោក លោកស្រី លោកឧកញ៉ា លោក លោកស្រី ពុទ្ធបរិស័ទជិតឆ្ងាយទាំងអស់នេះ ទទួលបានការចូលរួមចាប់មគ្គផលជាបច្ច័យសរុបចំនួន ៥៤០ ០០០ ០០០រៀល (ប្រាំរយសែសិបលានរៀលគត់)៕ សុខខេមរា
