អ៊ីតាលីធ្លាក់ចេញពី World Cup ខណៈអ្នកចាំទី Buffon ចូលនិវត្តន៍

ក្រុមជម្រើសជាតិអ៊ីតាលីមិនបានលេងនៅ World Cup ជាលើកដំបូងបើគិតចាប់តាំងពីឆ្នាំ១៩៥៨មក បន្ទាប់ពីពួកគេប្រកួតស្មើនឹងក្រុមជម្រើសជាតិ ស៊ុយអែត 0-0 នៅក្នុងទឹកដីរបស់ខ្លួនវគ្គPlay-offជើងទី២។

ម្ចាស់ផ្ទះមាន​​ឱកាស​គ្រប់គ្រងបាល់ដល់ទៅ៧៦ភាគរយ តែមិនអាច​ទម្លុះ​សំណាញ់ទីស៊ុយអែត បាន​ឡើយ។ ដូច្នេះមាន​ន័យថា សរុបទាំងពីរជើងស៊ុយអែត ឈ្នះ១ទល់នឹង០ ទទួលបានកៅអីទៅកាន់ប្រទេសរុស្ស៊ី ដោយជោគជ័យ។

ចំណែកអ្នកចាំទី​ Gianluigi Buffon ដែលបាន​ប្រកាសចូលនិវត្តន៍​ពី​ក្រុមជម្រើសជាតិ​ក្រោយចប់​វគ្គជម្រុះបាល់ទាត់ពិភព​លោក និយាយទាំងទឹកភ្នែកថា មិនសោក​ស្ដាយសម្រាប់​ខ្លួនគេ តែស្ដាយសម្រាប់​អ៊ីតាលីទាំងមូលតែម្ដង។ នេះ​មិន​មែនជាកំហុសនរណាម្នាក់ឡើយ ដោយសមាជិកគ្រប់រូបចាញ់ទាំងអស់គ្នា ដូច្នេះ​វា​ជាទំនួលខុសត្រូវទាំងអស់គ្នា។

គួរបញ្ជាក់ថា អ៊ីតាលីធ្លាប់ឈ្នះជើងឯក​ពិភពលោក​ចំនួន៤ដង ហើយចុងក្រោយបង្អស់​នៅឆ្នាំ២០០៦ លើទឹកដីអាល្លឺម៉ង់ ។

ខាងក្រោមនេះគឺជាលទ្ធផលនៃការប្រកួតកាលពីថ្ងៃទី១៣ ខែវិច្ឆិកា ឆ្នាំ២០១៧៖