សារព័ត៌មាន នគរវត្ត តែងតែនាំមុខគេជានិច្ច
កីឡាករចំនួន១៣រូបដែលធ្លាប់ឈ្នះពានមាស(Ballon D’or) មុនពេលដែលកំពូលកីឡាករឆ្នើមលំដាប់ពិភពលោកគឺ Ronaldo និង Lionel Messi កាន់កាប់ផ្តាច់មុខអស់រយៈពេល១០ឆ្នាំកន្លងមក។ គិតចាប់តាំងពីឆ្នាំ២០០៨ ខ្សែបម្រើ Kaka បានលើកពាននេះជាលើកចុងក្រោយនៅឆ្នាំ២០០៧។
ខាងក្រោមនេះជាឈ្មោះកីឡាករដែលធ្លាប់ទទួលបានពានរង្វាន់បាល់មាស Ballon D’or ចាប់តាំងពីឆ្នាំ១៩៩៥ រហូតមកដល់ឆ្នាំ២០០៧ ៖
1-George Weah (AC Milan)
អតីតកីឡាករខ្សែប្រយុទ្ធមានដើមកំណើតនៅប្រទេសស៊ូម៉ូតំបន់អាហ្រ្វិក រូបនេះ បច្ចុប្បន្នមានវ័យ៥១ឆ្នាំ ធ្លាប់ឈ្នះពានបាល់មាសនេះជាមួយក្រុម AC Milan កាលពីឆ្នាំ១៩៩៥។
2-Matthias Sammer (Dortmund)
អតីតកីឡាករបម្រើ-ខ្សែការពារវ័យ៥០ឆ្នាំរូបនេះ មានដើមកំណើតនៅប្រទេសអាល្លឺម៉ង់ ខាងកើត ធ្លាប់ឈ្នះពានបាល់មាសនេះជាមួយក្រុម Dortmund នៅឆ្នាំ១៩៩៦។
3-Ronaldo Nazario (Inter Milan)
កីឡាកររបស់ក្រុមជម្រើសជាតិប្រេស៊ីលដែលជួយឲ្យក្រុមជម្រើសជាតិលើកពាន World Cup ឆ្នាំ២០០២នៅប្រទេសកូរ៉េខាងត្បូង និងជប៉ុនក្នុងនាមជាម្ចាស់ផ្ទះនោះ ធ្លាប់ឈ្នះពានបាល់មាសនេះ ជាមួយក្រុម Inter Milan នៅឆ្នាំ១៩៩៧ផងដែរ។
4-Zinedine Zidane (Juventus)
វីរបុរសក្រុម Juventus និង Real Madrid រូបនេះបច្ចុប្បន្នជាអ្នកចាត់ការទូទៅឲ្យក្រុមស្តេចស Real Madrid ធ្លាប់ឈ្នះពានបាល់មាសពេលលោកនៅជាមួយក្រុម Juventus នៅឆ្នាំ១៩៩៨។
5-Rivaldo(Barcelona)
ខ្សែប្រយុទ្ធដែលប្រិយមិត្តធ្លាប់ទទួលស្គាល់ថា ជាកីឡាករចូលចិត្តស៊ុតបាល់ពីចម្ងាយរូបនេះ ធ្លាប់ឈ្នះពានបាល់មាសជាមួយក្រុមអ្នកមានបុណ្យ Barcelona នៅឆ្នាំ១៩៩៩ មុនពេលជួយក្រុមជម្រើសជាតិប្រេស៊ីល លើកពាន World Cup 2002។
6-Luis Figo(Real Madrid)
ខ្សែបម្រើ-ប្រយុទ្ធស្លាបស្តាំដែលមានជំនាញពូកែញ៉ាក់បាល់ និងស៊ុតបាល់ពិន័យ Free kick សញ្ជាតិព័រទុយហ្គាល់ រូបនេះ ធ្លាប់ឈ្នះពានបាល់មាសជាមួយក្រុម Real Madrid នៅឆ្នាំ២០០០។
7-Michel Owen (Liverpool)
វីរបុរសក្រុមហង្សក្រហម Liverpool និងក្រុមជម្រើសជាតិតោកំណាចអង់គ្លេសរូបនេះ ធ្លាប់ឈ្នះពានបាល់មាសនេះ ជាមួយក្រុមដែលធ្វើឲ្យរូបគេសាងកេរ្តិ៍ឈ្មោះល្បីល្បាញនៅ ឆ្នាំ២០០១។
8-Ronaldo Nazario(Real Madrid)
បន្ទាប់ពីជួយក្រុមជម្រើសជាតិប្រេស៊ីលឈ្នះពាន World Cup 2002 ដដែលនោះដែរ Ronaldo អំឡុងពេល រូបគេបានផ្ទេរមកលេងឲ្យក្រុមស្តេចស Real Madrid កីឡាកររូបនេះ បានឈ្នះពានបាល់មាសជាមួយ ក្រុម Real Madrid ជាលើកទី២ ក្នុងអាជីពបាល់ទាត់របស់គេ។
9-Pavel Nedved(Juventus)
កីឡាករមាឌល្អិតសញ្ជាតិឆេករបស់ក្រុម Juventus រូបនេះត្រូវបានមជ្ឈដ្ឋានអ្នកសេ្នហាកីឡាបាល់ទាត់ទទួលស្គាល់ ពីទេពកោសល្យ និងជំនាញញាក់បាល់ និងការបញ្ជូនបាល់របស់គេដែលធ្លាប់លេងឲ្យក្រុម Juventus នៅចន្លោះឆ្នាំ២០០១-២០០៩ និងបានឈ្នះពានបាល់មាសនៅឆ្នាំ២០០៣។
10-Andriy Shevchenko (AC Milan)
អតីតខ្សែប្រយុទ្ធឆ្នើមរបស់ប្រទេសអ៊ុយក្រែន Shevchenko ធ្លាប់ឈ្នះពានបាល់មាសជាមួយក្រុម AC Milanនៅឆ្នាំ២០០៤។
11-Ronaldinho(Barcelona)
ខ្សែប្រយុទ្ធដ៏មានទេពកោសល្យ និង ជាវីរបុរសរបស់ក្រុមជម្រើសជាតិប្រេស៊ីលរូបនេះ បន្ទាប់ពីជួយក្រុមប្រេស៊ីល លើកពាន World Cup 2002 រួចមក បានឈ្នះពានបាល់មាសជាមួយក្រុម Barcelona នៅឆ្នាំ២០០៥។
12-Fabio Canavaro(Real Madrid)
អតីតខ្សែការពារកណ្តាល និង ជាប្រធានក្រុមជម្រើសជាតិអ៊ីតាលីរូបនេះបន្ទាប់ពីជួយក្រុមអ៊ីតាលីលើកពាន World Cup 2006 រួចមក បានឈ្នះពានបាល់មាសនេះជាមួយក្រុមបាល់ទាត់អាជីព Real Madrid ផងដែរ។
13-Ricardo Kaka
កីឡាកររបស់ក្រុមជម្រើសជាតិប្រេស៊ីលរូបនេះ ក៏ជាសមាជិកដែលបានជួយក្រុមលើកពាន World Cup 2002 ខណៈខ្សែបម្រើ-ប្រយុទ្ធស្លាបរូបនេះ ធ្លាប់ឈ្នះពានបាល់មាសជាមួយក្រុម Real Madrid នៅឆ្នាំ២០០៧។
សូមបញ្ជាក់ថា ខ្សែប្រយុទ្ធសញ្ជាតិព័រទុយហ្គាល់ Cristinao Ronaldo ទើបតែទទួលបានពានកិត្តិយសលើកទី៥ (២០០៨, ២០១៣, ២០១៤, ២០១៦) សម្រាប់ពានបាល់មាសនៅឆ្នាំ២០១៧។ លទ្ធផលគួរជាទីមោទនេះ នាំឲ្យរូបគេមានកំណត់ត្រា ស្មើជាមួយគូប្រជែងដ៏សំខាន់ក្នុងលីកអាជីពអេស្ប៉ាញ La Liga គឺកំពូលខ្សែប្រយុទ្ធសញ្ជាតិអាហ្សង់ទីន Lionel Messi ដែលទទួលពានមួយនេះចំនួន៥ដងដូចគ្នា(២០០៩, ២០១០, ២០១១, ២០១២, ២០១៥)៕
