សារព័ត៌មាន នគរវត្ត តែងតែនាំមុខគេជានិច្ច
ក្រុមកាំភ្លើងធំArsenalបានសម្រេចចិត្តជ្រើសរើសយកលោក Unai Emery មកធ្វើជាអ្នកចាត់ការទូទៅថ្មីជំនួសតំណែងរបស់លោក Arsene Wenger។
ដំបូងឡើយក្រុមកាំភ្លើងArsenalបានចាប់អារម្មណ៍ខ្លាំងទៅលើអតីតកីឡាកររបស់ក្លិប កាំភ្លើងធំArsenal កីឡាករ Mikel Arteta ដែលជាជំនួយការរបស់លោក Pep Guardiola នៅក្នុងក្រុមManchester City។
ប៉ុន្តែក្រុមកាំភ្លើងធំបានសម្រេចចិត្តយកលោក Unai Emery មកដឹកនាំវិញ។ Emery មានវ័យ៤៦ឆ្នាំកំពុងគ្មានការងារធ្វើក្រោយឈប់ពី Paris St-Germain បើទោះជាបានដឹកនាំក្រុមលើកពាន Ligue 1 និងពានបារាំង៤ផ្សេងទៀតនៅ២រដូវកាលក៏ដោយ។ អ្នកចាត់ការសញ្ជាតិអេស្ប៉ាញរូបនេះជោគជ័យបំផុតកាលនៅ Sevilla ដោយនាំក្រុមឈ្នះ Europa League ៣រដូវកាលជាប់គ្នា ៕ ដេវីត
