សារព័ត៌មាន នគរវត្ត តែងតែនាំមុខគេជានិច្ច
ប្រទេសស៊ី្វស៖ សម្តេចតេជោហ៊ុន សែន នាយករដ្ឋមន្ត្រីនៃកម្ពុជាបានថ្លែងអរគុណចំពោះបងប្អូនប្រជាពលរដ្ឋខ្មែរ ជាច្រើនមកពីបណ្តាប្រទេសក្នុងសហគមន៍អឺរ៉ុប ដែលបានមកទទួលស្វាគមន៍យ៉ាង កក់ក្ដៅបំផុតចំពោះវត្តមានដ៏ខ្ពង់ខ្ពស់របស់ សម្ដេចតេជោ នាយករដ្ឋមន្ត្រី នៅទីក្រុងហ្សឺណែវ ។
សម្តេចតេជោហ៊ុន សែន បានវត្តមានដ៏ខ្ពង់ខ្ពស់នៅទីក្រុងហ្សឺណែវ ប្រទេសស៊ី្វស កាលពីថ្ងៃទី២៣ ខែតុលា ឆ្នាំ២០១៨ ហើយក៏ជាថ្ងៃទី២ នៃការអញ្ជើញចូលរួមកិច្ចប្រជុំកំពូលអ្នកដឹកនាំវិនិយោគសាកលនៃវេទិកាវិនិយោគពិភពលោកឆ្នាំ 2018 របស់សម្ដេចតេជោ នាយករដ្ឋមន្ត្រី ។
នេះគឺជាការបង្ហាញកាន់តែច្បាស់ចំពោះការគោរព ស្រឡាញ់ ទុកចិត្ត គាំទ្រ ពីប្រជាពលរដ្ឋនៅក្រៅប្រទេស មកលើសម្តេចតេជោនាយករដ្ឋមន្ត្រី ដែលបានដឹកនាំប្រទេសជាតិឲ្យមានការរីកចម្រើនរហូតដល់សព្វថ្ងៃនេះ ៕
